Search This Blog

Followers

Saturday, November 16, 2013

මාක්ස් සීයා ගේ මති (Notions) බේරා ගන්නට ආ ලැකාන් පප්පා ගේ ප්‍රංශ මනෝවි(කාරය)ශ්ලේෂණය - ඇමරිකානු ඩ්‍රෝන් ප්‍රහාර-1

පෙරවදන -කොළඹ කේන්ද්‍රීය පශ්චාත් (රොහානියානු)නූතන වම 
ජීවිතය පුරා කිසිම දිනක කිසි රැකියාවක් නොකළ මුත් කාමරයකට වී පුස්තකාල වල ටැග් ගැහෙමින් පමණක්
වැඩකරන ජනතාව ගැන  අනුපමේය කරුණාවෙන් දයාවෙන්  (තමන්ගේ දරුවා බෙහෙත් නැතිව මිය යද්දී )
මාක්ස් සීයා විසින් රැවුල වවාගෙන ලොවට දායාද කල  මති (Notions) ක්‍රියාත්මක කරන්නට ගිය ලෝකයේ සෑම රටක්ම දේශපාලනිකව සහ ආර්ථික ක්‍රමයක් ලෙස ප්‍රායෝගිකව අසමත් විය. මේ  මති (Notions) විද්‍යාවක් හෝ න්‍යායන් ලෙස නැවත නැවත වර නගන මාක්ස් දෙවියෙකුයයි සිතන අයට මුලින්ම මතක් කර දිය යුත්තේ මුලින්ම තමන්ට සහ තමන්ගේ දරුවාට ආදරය කරන්නට නොදන්නා මිනිසෙක්ට අනුන්ට ආදරය කල නොහැකි බවයි.
අනූව දශකයේ එකතරා දවසක ලංකාවේ අමුතු පොරක් වූ රොහාන් පෙරේරාට ප්‍රංශයේ සිට පැමිණි මිතුරෙකුගෙන් ප්‍රංශ චුවින්ගම් එකක් කන්නට ලැබුණි. රොහාන් පෙරේරා හොදින් රසය උරාබී හපකොට ඉවතට විසිකරන ලද චුවින්ගම් හපය  අහුලාගත් බොහෝදෙනා පසු කලකදී මාර රසයි කියමින් රොඩ්ඩ හපන්නට විය. ලංකාවේ කොළඹ කේන්ද්‍රීය  පශ්චාත්  නූතන වම යනු  මේ රොහාන් පෙරේරා විසිකරන ලද  චුවින්ගම් හපය serious කෑමක් ලෙස ගෙන මේක ඇතුලේ මොකක් හරි තිබේයැයි සිතන අයගේ මායාවයි.
රොහාන්ගේ භාෂාවෙන් කියන්නේ නම් මෙම 90 දශකයේ පටන් ගත් වාම ප්‍රවනතාවයේ පුර්ණ විකසිත වීම විශ්ව විද්‍යාල ආචාර්යවරුන් ගේ සංගමයේ නිර්මාල් රංජිත් දේවසිරි සහ පෙරටුගාමී පක්ෂයේ නායක දීප්ති කුමාර ගුණරත්න මහා නොපැවැත්වූ මහා විවාදයෙන් සනිටුහන්විය . දැන් මල පරවී ඇත.
 නව පානදුරාවාදය හෝ ගුත්තිල මූසිල වීනා වාදනය මෙන් මේ කොළඹ වමේ කවුරුත් පුල පුලා බලා සිටි මහා විවාදයෙන් සිංහල බ්ලොග් අවකාශය තුල වැඩියෙන්ම ආතල් ගන්න පුද්ගලයා වුයේ  w3lanka බ්ලොග් කරු අජිත් පැරකුම් මහතාය. මට අනුව මේ වමේ කල්ලි අතර  අභ්‍යන්තර ගැටුම උඩබලාගෙන කෙලගසා   ගැනීමකි. දීප්තිට ඇත්තේ න්‍යායික මති වලින් සන්නද්ධ ආයුධ ගබඩාවකි දීප්තිගේ පැරණි ගෝලයන් දැන් මේ ආයුධ ගබඩාවට වටෙන් ඉඳන් ගල් ගසමින් සිටී. නිර්මාල්ට දීප්ති සමග වාදයෙන් දිනාගත හැක්කේ කුමක්ද? දීප්ති එලවා දමා ඔහුගේ න්‍යායික ආයුධ ගබඩාව අල්ලා ගැනීමද? මේ ගෝලයන්ට දීප්තිට න්‍යායික ප්‍රහාර එල්ල කල නොහැක. එසේ කිරීම යනු තමන්ගේම නාසය කපා  ගැනීමකි.
 මා 90 දශකයේ අග X කණ්ඩායමේ පැරණි  නිවසට ආ ගිය කෙනෙකු වුවද  දීප්ති මගේ දේශපාලන මිතුරෙකු නොවේ පුද්ගලික මිතුරෙකි ඔහු මා හඳුනාගන්නේ ඉරංක නම් මගේ පුද්ගලික මිතුරෙකු සහ අනිල් හරහාය. එකල මා දැන සිටි ඔහු සුන්දර මිනිසෙකි. 
මගේ මේ ලිපිය පැරකුම් ගේ දීප්ති post මෙන් මෙම නිර්මාල් දීප්ති කල්ලි දෙක  අතර ගැටුමේ උණුසුම නිසා ලියවෙන්නක් නොවේ. ඇත්තටම මේ ලිපියට පසුබිම  වන්නේ වෙනත් දෙයකි. පසුගියදා  නිව්යෝර්ක් නගරයේ ජනප්‍රිය ප්‍රංශ අවන්හලකදී  අරුණි ශපිරෝගේ මැදිහත්වීම මත  මට අශෝක හඳගම නම් සුන්දර මිනිසා සමග රාත්‍රී භෝජනය ගැනීමට අවස්ථාවක් උදාවිය. මෙහිදී හඳයා සහ මා අතර සංවාදය   ලංකාවේ කොළඹ වමේ දේශපාලනය (දීප්ති-නිර්මාල්) ගැන මෙන්ම ෆ්‍රොයිඩ්-ලැකානියානු ප්‍රංශ  මනෝ විශ්ලේෂණය දක්වා පැතිරුණු පැය ගණනාවක සුන්දර අත්දැකීමක් විය. දෛවෝපගත ගත ලෙස මේවා අපි කතා කලේ ප්‍රංශ ආහාර වල රස බලමින්ය. මා එහිදී කි කරුණු ලියන්නයි කිවේ හඳයා ය. මේ ඔහුගේ ඉල්ලීමේ ප්‍රතිපලයකි.
 w3lanka  පැරකුම්, නිර්මාල්,ප්‍රභා ඔබලා දේශපාලන ලිපි ලියනවා කියා කරන්නේ වෙන මොකද්දෝ දෙයකි පුද්ගලික මඩ වෙනුවට  දීප්ති ගේ නයායික ආයුධ ගබඩාවට මා මේ ලිපියෙන් එල්ල කරන්නේ ඇමරිකානු  ඩ්‍රෝන් ප්‍රහාරයකි. දීප්ති මේ නිසා මා සමග පුද්ගලිකව තරහ නොවන බව මම ස්ථිර වශයෙන්ම දනිමි. ඩ්‍රෝන්  වලට නියමුවන් නැත ඒවා දශක ගණන් පැරණි වියට්නාම ගරිල්ලා Tet Offensive proof වේ. මා මෙය ටයිප් කර අවසන් වූ පසු උදිත නම් කතෘ මේ තුල නැතිබව මටත් වඩා හොදින් ඔහු දනී. යමෙකුගේ හෝ සංවිධානයක අදහස් දේශපාලනික ලෙස විවේචනය කරන්නේ කෙසේද යන්න මෙම ලිපිය දිහා බලා හෝ ඉගෙන ගන්න.
වම සහ ෆ්‍රොයිඩ්-ලැකානියානු ප්‍රංශ  මනෝ විශ්ලේෂණය 
මාක්ස්ගේ මති හරහා විප්ලව කොට මිලියන් ගණනින් මිනිසුන් මරා දමා සමාජවාදය ක්‍රියාත්මක කරන්න උත්සාහ කරන ලද සියලුම රටවල් වල සමාජවාදය ප්‍රයෝගිකව අසමත් වීමෙන් පසු ජාතිවාදය වැලඳ ගැනීම හැර මොවුන්ගේ දේශපාලනයට වෙන අනාගතයක් තිබුනේ නැත. මේ අභාග්‍ය සම්පන්න ඉරණමෙන් ගැලවෙන්නට යුරෝ මාක්ස්වාදය එල්ලුනේ  ෆ්රොයිඩ්-ලැකානියානු ප්‍රංශ  මනෝ විශ්ලේෂණයේය. මෙහි ජනප්‍රිය බටහිර ප්‍රකාශකයා වමේ එල්විස් ප්‍රෙස්ලි වන ලුබ්ජානා සරසවියේ මුස්පේත්තු රැවුලක් ඇති  ස්ලාවොයි ජිජැක්ය. ලංකාවේ ජවිපෙ පවා මාක්ස්ගේ පුකට පයින් ගසා ජාතිවාදය බදා ගනිද්දී  ලංකාවේ දී රොහාන් පෙරේරා සහ දීප්ති කුමාර ගුණරත්න මේ  ෆ්රොයිඩ්-ලැකානියානු ප්‍රංශ  මනෝ විශ්ලේෂණය  භාවිතා කරමින් පණ අදින වම අඩු ගනනේ දේවාලයක් දමාගෙන හෝ යන්තම් න්‍යායිකව  ගොඩ ගන්නා ලදී. ඒ ගෞරවය දිය යුත්තේ ඔවුන් දෙදෙනාට බවවත් ජවිපෙ හෝ පැරකුම් හෝ රාමචන්ද්‍ර ඇතුළු කිසිම වමෙක් නොකියයි. වමේ එකමුතුව ඒ තරම් ප්‍රභලය. මේ දේවාලයේ තිරය එහා පැත්තේ ඇති ෆ්‍රොයිඩ්-ලැකානියානු මනොවිශ්ලේෂණය නම් සඟවා ඇති දේව රූපය තිරය කඩා දමා නිරුවත් කිරීම(සැබෑ ලෝකයේ සායනය තුල මනෝ විශ්ලේෂණය මාක්ස්වාදය මෙන්ම  ප්‍රායෝගික නොවන බව පෙන්වීම ) මෙම ලිපියේ අරමුණයි. වෙනත් විදියකින් කියන්නේ නම් වම්මුන්ගේ අවි ගබඩාවේ ඇති නෂ්ඨික අවිය වන මනෝ විශ්ලේෂණය කුඩු වෙන්නට ඩ්‍රෝන් ප්‍රහාරයක් එල්ල කිරීමයි.

ලෝකය කැරකෙන්නේ ප්‍රංශය වටේ යැයි සිතීම හෙවත් පණ අදින වම ගොඩගන්නට පණ අදින  මනෝ විශ්ලේෂණය භාවිතා කිරීම
අත්ලාන්තික් සයුරේ මා ඉන්නා පැත්තේ මානසික රෝග වලට සායනික ප්‍රතිකාර ක්‍රමයක් ලෙස ෆ්රොයිඩ්-ලැකානියානු මනෝ විශ්ලේෂණය භාවිතා වෙන්නේ කලාතුරකිනි .මනෝ විශ්ලේෂණය  ඇමරිකාවේ  මේ වන විට පණ අදින ලෙඩෙකි.  පෞරාණික කෞතුක වස්තුවකි.අත්ලාන්තික් සයුරේ අනෙක් පැත්තේ ප්‍රංශය තුල මීට සම්පුර්ණයෙන් වෙනස්ව  මනෝ විශ්ලේෂණය යනු ප්‍රතිකාර ක්‍රමයක් ලෙස ප්‍රධාන ධාරාව ලෙස සායනය තුල  තවමත් භාවිතා වෙයි. ප්‍රංශය තුල රජ කරන්නේ මනෝ විශ්ලේෂකයෝ(psychoanalysts) ය එහි 80% මනෝ චිකිත්සකයින් සායනය තුල භාවිතා කරන්නේ   ෆ්රොයිඩ්-ලැකානියානු මනෝ විශ්ලේෂණයයි අන් අයට එහි   තැනක් නොමැත. ෆ්රොයිඩ්-ලැකානියානු මනෝ විශ්ලේෂකයෝ
එහි අනෙක් මනෝ චිකිත්සකයින්ට ඔලුව උස්සන්නට දෙන්නේ නැත. මේ බුද්ධිමත් පිරිස හිතන්නේ තමන් දන්නා නයායික මුලධර්ම ක්‍රමවේදය භාවිතා කොට මිනිසාගේ හැම හැසිරීම් ස්වාභාවයක්ම කතාවක් කියන්නාක් මෙන් අර්ථදැක්වීමට තමන්ට හැකි බවයි. මේක හරියටම ලංකාවේ නලින්ද සිල්වාගේ නාථ දෙවි වන්දනාවටත් එහා ගියපු දෙයක් හරියට මේක නිකං නලින්ගේ නාථ දෙවි ප්‍රතිකාරය රාජ්‍ය අනුග්‍රහය යට‍තේ විශ්වවිද්‍යාල වල උගන්නල සෞක්‍ය අමාත්‍යාශය හරහා ක්‍රියාත්මක කරනවා වගේ වැඩක්. 
හැබැයි මේ  මනෝ විශ්ලේෂකයෝ තමන්ම පවා දන්නා දෙයක් තමයි ඔවුන්ගේ න්‍යායික ප්‍රබන්ධ කතන්දර ප්‍රයෝගිකව සායනය තුලදී මානසික ලෙඩ්ඩු සුවපත් කරන්න භාවිතාවේදී ප්‍රථිපල විරහිත බව. සරලව කිව්වොත් ලෙඩ්ඩු හොඳ වෙන්නේ නැහැ අවුරුදු ගණන් සායනය විතරයි.  මේ අය අතුරින් අතිපණ්ඩිත විදග්ධතම කොටස clinical results ඕනි කියලවත් පිළිගන්නේ නැති අති පණ්ඩිතයෝ පිරිසක්.
මා අනුව දශකයේ අග සිට 2010 පමණ වනතුරු මනොවිශ්ලෙෂණය හා අත්වැල් බැඳගෙන හිඳ ඇත 2012 වන විට මා සම්පුර්ණයෙන්ම පෙකණිවැලෙන් කැඩී ඉන් වෙන්විය. එතැන්පටන් මා දන්නා හඳුනන අයට එහි ඇති අනතුරුදායක බව පෙන්වාදී ඇත අවසන් වරට මා අනතුරු ඇගෙව්වේ හඳගම ට ය නමුත් දැන් මෙය විධිමත්ව  විෂයමුලික වීමකින්  තොරව සටහන් කිරීමට කාලය යැයි සිතමි. 
 ෆ්රොයිඩ්-ලැකානියානු මනෝ විශ්ලේෂණයේ අඳුරු පැත්ත 
 දරුවන්ගේ මානසික සෞක්‍ය ගැටළු වලට ප්‍රතිකාර කිරීම සඳහා ප්‍රංශය සහ ඇමරිකාව සම්පුර්ණයෙන් වෙනස් ක්‍රම දෙකක්  භාවිතා කරයි  “Le Mur” යනුවෙන් වාර්තා චිත්‍රපටයක් නිෂ්පාදනය කරමින්  Sophie Robert  ස්වේච්ඡතාව (autism) නම් රෝගයට ෆ්‍රොයිඩ්-ලැකානියානු ප්‍රංශ  මනෝ විශ්ලේෂණය ප්‍රංශයේ දරුවන්ට  ප්‍රතිකාර කරන අන්දමත් ඇමරිකාව තුල ඕටිසම් රෝගී දරුවන්ට  ප්‍රතිකාර කිරීම සඳහා යොදාගන්නා  PECS නම්  behavioral ප්‍රතිකාර ක්‍රමය භාවිතා කරන අන්දමත් Guillaume සහ Julien නම් ඕටිසම් ළමයි දෙදෙනෙකු ඇසුරින් අපිට පෙන්වා දෙයි. 
 මනෝ විශ්ලේෂකයෝ නඩු දමා තහනම් කර ඇති නිසා මුළු වාර්තා චිත්‍රපටිය මේ දිනවල යූ ටියුබ් හි ඉවත්කර ඇති නමුත් ලකාන් පිස්සන්ගේ සමහර ජවනිකා තවමත් තැනින් තැන නැරඹිය හැක පහත ඇත්තේ එහි ජවනිකාවකි 



කතා කරන්න බැරි ළමයින්ට කථාකර ප්‍රතිකාර කරන්නට යන කතා කරන්න බැරි ළමයින්ට සවන්දීමට උත්සාහ කරන ෆ්රොයිඩ්-ලැකානියානු මනෝ විශ්ලේෂකයෝ මොන තරම් විහිලු සහගත දැයි තේරුම් ගැනීමට මනෝ විශ්ලේෂණයේ එල්ලී සිටින  ලංකාවේ නව මනෝරාජික වම්මු සියලුම දෙනා අනිවාර්යයෙන් මෙම චිත්රපටිය නැරඹිය යුතුය.
ෆ්රොයිඩ්-ලැකානියානු මනෝ විශ්ලේෂකයින්ට මේ දරුවන්ගේ සුවවීම එතරම් වැදගත් කාරණයක් නොවේ ඔවුන්ට වැදගත් වන්නේ තමන්ගේ මහා බුද්ධිමත් මනොවිශ්ලෙෂණ න්‍යායන් ලෝකයට ඉදිරිපත්කිරීම පමණි.  මිට වෙනස්ව ඇමරිකානු ක්‍රමයේදී එම දරුවා ප්‍රතිකාර පටන්ගත් පළවෙනි දිනයේ සිට සුවවෙන්නට පටන් ගනී.
මාක්ස්වාදය දේශපාලන  ආර්ථික  ක්‍රමයක් ලෙස ප්‍රායෝගික ලෙස ක්‍රියාවට නැගීමට ගිය සෑම උත්සාහයක්ම හැමවිටම හැම රටකමදීම අසාර්ථක විය වම්මුන්ට මෙය අදාළ නැත ඔවුන්ට අවශ්‍ය මාක්ස් ගේ මතිය සමග න්‍යායික ස්‌වයං වින්දනයේ යෙදීම  පමණි ෆ්රොයිඩ්-ලැකානියානු මනෝ විශ්ලේෂකයින් යනුද මෙවැනිම පිරිසකි සායනික ප්‍රතිපල ඔවුන්ට වැඩක් නැත ලෙඩා සුව උනත් නැතත් තියරිය නිවරිදියයි පොත් වල මතියක් ලෙස ඔවුන් ඔප්පු කරයි. ඉතින් මේ දෙකේ එකතුව ගැන කුමන කතාද? මාක්ස්වාදය මෙන්ම ෆ්රොයිඩ්-ලැකානියානු මනෝ විශ්ලේෂණය යන්නද මේ යුගයේදී මහා විහිළුවකි. මෙය තේරුම් ගැනීමට පොත් සිය දහස් ගණනක් හැදෑරිය යුතු නැත Sophie Robert ගේ චිත්‍රපටිය බැලීම  පමණක් සැහේ

මෙම චිත්‍රපටිය සම්බන්දයෙන් නිව්යෝක් ටයිම්ස්හි පළවූ ලිපිය මෙතනින් බලන්න .

by ©Uditha Meegahathenna

Friday, June 14, 2013

වර්ගවාදී නොවන ලෙස බෙදූ ප්‍රාන්ත දෙකක ලංකාව || Non-Racist Two-State Solution-රැඩිකල් වෙනසකට යෝජනා -2

 රට ජනවාර්ගික පදනම මත බෙදන ජාතිවාදී දෙමල ඊළාම් වෙනම රාජ්‍යය වෙනුවට වර්ගවාදී නොවන විකල්ප රටබෙදීමේ සිහිනයක් මට ඇත. (non-racist alternatives to the Tamil Eelam)  දැන් ඕනෑ නම් ඉතිරි හරිය නොකියවාම රට බෙදන්න යනවා යැයි කියා  දේශප්‍රේමී බොග බල සේනා පොලු මුගුරු ගෙන මා සොයා එන්නට පුළුවන. මට මගේ බොහෝ බ්ලොග් සටහන් ලියවෙන්නේ මාතලන්ගේ බ්ලොග් අඩවියේ ලිපි වලට සමගාමීවය  ඇනෝ මල්ලිලාට අනුව මේ එකිනෙකාගේ පිට කසාගැනීම්ය. නමුත් එයට හේතුව ඔහු ලියන බ්ලොග් සටහන් මා නොවරදවා කියවන බැවිනි. ඒවා ඇත්තටම මා කියවන්නේ බරපතල දේශපාලන ලිපි ලෙස නොව ඒවා මට විනෝදය සපයන බැවිනි. මම මේවා ලියන්නේද ඉන් මට විනෝදයක් ගෙනෙන නිසාය.  බොහෝ බරපතල සීරියස් දේශපාලනික කතා කියන අයද නොකිව්වාට ඔය හැම බරපතල කතාවක් යටම ඇත්තේ මේ රහසයි. විනෝදයට sex කලවිට සමහර විට ළමයි හම්බවෙන්නද පුළුවන. අපි විනෝදයට ලියන දේවල් වලින් ළමයි හම්බවිම මගේ අරමුණ නොවුනත් අතුරු පලයක් ලෙස කවුරුන් හෝ කවදාක හෝ වැඩක් ගත්තොත් එයින් අවැඩක් ද  සිදු නොවේ. බ්ලොග් සටහන් වලින් මොකක් හරි දෙයක් විය හැකි බවක්    සිංහල බ්ලොග් අවකාශයේ සමනලුන්ගේ ත‍ටු සැලීම.....යනුවෙන් සටහනක් මයියා ගේ බ්ලොග් අඩවියේ පලවී තිබුණි. ඉතින් මම මගේ විනෝදය තකා ලියමි. කවුරුවත්  මේවා දැනට සීරියස් ගත යුතු නැත.
දේශපාලන ප්‍රශ්නයකට විසඳුම් දේශපාලනිකව සොයනවා වෙනුවට පරිපාලන විසඳුම් යෝජනා කරනවා යැයි මෙහිදී මගේ වාමාශික  මිතුරන් කියන්නට පුළුවන. එයට කියන්නට ඇත්තේ ප්‍රභාකරන් දෙමල ජනතාවගේ දේශපාලන ප්‍රශ්නය යුද්ධ කිරීම නම් ක්‍රමය හරහා දේශපාලනිකව විසදාගන්නට 30 වසරක් තිස්සේ  උත්සාහ කර  පරාජයට පත් විය. යුද්ධ පරාද වීම යනුද දේශපාලන ප්‍රශ්නයක් දේශපාලනිකව පරාජය වීමකි. හිට්ලර් පරාජය වීමෙන් පසු ජර්මන් නාසිවාදය තවදුරටත් දේශපාලන ප්‍රශ්නයක් නොවේ එය අදාළ නොවේ. එය ඉන්පසු කෙලවර වූයේ  යුදෙව්වන්ට  ඊශ්‍රායලය නම් තමන්ගේම රටක් තනාදීමෙන්ය. මෙය යුද්ධයෙන් පසුව ආ පරිපාලනික විසඳුමකි.
මෙම ලිපිය මා මිට කලින් ලියන ලද "පළා බබා අපිට එපා" සහ මා යෝජනා කරන ලද "නව A6 අධිවේගී මාර්ගය - රැඩිකල් වෙනසකට යෝජනා -1" ලිපියට කෙලින්ම සම්බන්ධ වෙන බැවින් ඒවා නොබැලු අය මෙම අදහස සලකා බැලීමට පෙර එම ලිපි දෙක කියවන්න. එම ලිපියෙන් මම යෝජනා කරන ලද අධිවේගී මාර්ගය යනු මම අද ඉදිරිපත් කරන ජන වර්ගවාදී නොවන ලෙස පරිපාලනික කලාප ලෙස පමණක් බෙදුන විකල්ප ප්‍රාන්ත දෙකකින් සමන්විත  ලංකාවේ ප්‍රාන්ත වෙන්වෙන දේශසීමාවයි. ඉන්පසු මගේ සිහින ලංකාව  ශ්‍රී ලංකා ප්‍රජාතාන්ත්‍රික සමාජවාදී ජනරජය නොව එය හැදින්විය හැක්කේ  "එක්සත් ද්වීජනපද ශ්‍රී ලංකාව ." ලෙසය.

මා මෙසේ ලංකාව දෙකට බෙදන්නේ මිනිස්සුන්ට මිනිස්සුන්ට අවශ්‍ය සේවාවන් පහසුවෙන්  ගන්න වැනි එනම්  ඩ්‍රයිවින් ලයිසන් එක ගන්න එක, පාස්පෝට් ගන්න එක, අයිඩෙන්ටිය ගන්න  වැනි මිනිස්සුන්ට අවශ්‍ය සේවාවන් සපයා ගැනීම පහසු කරන පරිපාලන අරමුණු සඳහාවත් බලය විමධ්‍යගත කිරීම නම්  සංකල්පය සාක්ෂාත් කරගැනීම  සඳහාවත් නොවන බව  මුලින්ම සඳහන් කල යුතුය. ලංකාව වැනි පුංචි රටක ඕවා කිරීම සඳහා අවශ්‍ය වන්නේ සුදු අලි වැනි රටේ ධනය කබාසිනියා කරන පළාත් සභා වැනි ආයතන නොව  මොලේ තියන දේශපාලකයින් සහ පරිගණක ඉංජිනේරුවන් ගෙන් වැඩ ගැනීම සහ රජයට  අධිබල පරිගණක නෙට්වර්ක් එකක් පමණි. පළාත් සභා  වල ඉන්නා කසිප්පු දේශපාලකයින් නඩත්තු කරන මුදල් වලින් අපේ රටේ ඉන්නා අති දක්ෂ පරිගණක ඉංජිනේරුවන් ට  මිනිස්සුන්ට අවශ්‍ය සේවාවන් සපයා ගැනීම පහසු කරන ක්‍රම දියුණු රට වල මෙන් සැදීමට අවශ්‍ය වෙන්නේ රටේ  පළාත් සභා වලට වැය කරන ධනයෙන් සුළු ප්‍රතිශතයකි. මිට අමතරව  බලය විමධ්‍යගත කිරීම නම් සංකල්පය ලංකාව වැනි රටකට  මොනතරම් විකාර වැඩපිළිවලක් ද   යන්න සී . ඒ , චන්ද්‍රප්‍රේම මහතා ගැඹුරින් පෙන්වා දී ඇති නිසා එය මම කතා නොකරමි. මගේ ප්‍රාන්ත දෙකේ ලංකාවේ අරමුණ මේ දෙකම නොවේ.
මා මේ විසඳුම යෝජනා කරන්නේ
1. යුද්ධයෙන් පසු අපිට ශිෂ්ඨ ජාතියක් ලෙස  අන්තර්ජාතිකව අපේ ප්‍රතිරූපය නැවත දිනා ගෙන රටක් ජාතියක් ලෙස නැවත ලෝකය තුල ගෞරවයෙන් සදාචාරාත්මක ලෙස පෙනී සිටීම සඳහා මාවතක් ලෙස මෙන්ම දැන් ඉතිරිව සිටින ජාතිවාදී දෙමල බලලෝභී දේශපාලකයින් නිරුත්තර කිරීමට සහ පළාත් සභා නම් සුදු අලියා අහෝසිකර එළවීමට මාර්ගයක් විවර කර ගැනීමට.  (දේශපාලන අරමුණ)
2. ප්‍රාන්ත දෙක අතර බිහිවෙන ආර්ථික සහ සමාජීය තරඟය නිසා වඩාත් සෞභාග්‍යයමත් රටක් ඉක්මනින්  බිහිවෙන නිසාය.(ආර්ථික හා සමාජීය අරමුණ)
 සිංහල ජනතාවට සහ දෙමල ජනතාවට ජනවාර්ගික පදනම අනුව භුමිය සහ බලය බෙදා වෙන් කර නොගෙන  සහයෝගයෙන් සහ සාමයෙන් එකට විසිය නොහැකිය යන්න මිත්‍යාවකි. මෙය කිව හැක්කේ කිසිදා කොළඹ ගොස් නැති කෙනෙකුට පමණි.
ජනවාර්ගිකත්වය පදනම් කරගෙන භුමිය  සහ බලය බෙදන පළාත් සභා ක්‍රමය හෝ දෙමල ඊළාම් රාජ්‍ය හෝ වෙන ඔනෑම ක්‍රමයක්  සමාන වන්නේ වර්ගවාදයටයි. ( Provincial Councils, Tamil Eelam , any   racist alternatives, Equals Racism:) මා ලංකාව ප්‍රාන්ත දෙකකට බෙදන්නේ ජනවාර්ගික පදනම අනුව නොව කොළඹ සහ ත්‍රිකුණාමලය වරායවල් යා කරන සරලරේකා මාර්ගය ප්‍රාන්ත දේශසීමා ව ලෙස පමණක් සලකා සංකේතාත්මක  ආර්ථික සමාජීය අන්තර්ජාතික රාජතාන්ත්‍රික දේශපාලනික සංකල්පයක් ලෙස කෘතිමවය. වෙනත් විදියකට කියන්නේ නම් අපේ වාර්ෂික මහා ක්‍රිකට් ගැටුම ඉන්පසු උඩ ප්‍රාන්තය සහ යට ප්‍රාන්තය අතර මහා මංගල්‍යක් ලෙස සිදුවන්නක් මිස ඉන්දියානු IPL කොපියක් නොවේ.

කෙනෙකු මේ මොහොතේ මා මේ කියන දෙය “out of the box” විකාරයක් ලෙස හිතෙන්න පුළුවන් ඒත් අපේ රටේ  පළාත් සභා වල ප්‍රාදේශීය සභා වල පාර්ලිමේන්තුවේ ඉන්නා මිනිසුන් මුකුත්ම නොකර තමන්ට අදාළ කිසි දෙයක් නොකර ඉන්නා නිසා මගේ මේ හීතලට පේන “out of the box” සිහින වලට වැදගත් කමක් තියනවා කියල මට හිතෙනවා.  ඒක නිසා මේ සිහිනය බරපතලව ගන්නා රටට ආදරය කරන මේක කියවන කීප දෙනාට මගේ මේ සිහිනයේ න්‍යායික පදනම පැහැදිලි කරන්නම්.
ජාතිවාදීන් වර්ග දෙකක් ඉන්නවා අමු වර්ගවාදීන්(බොගබල Nazi ෆේස් බුක් සේනා ,ඊළාම් කොටි ) සහ සංස්කෘතික ජාතික වාදීන්(නලින්ලා,චම්පිකල සහ මම නම් නොදන්නා දෙමල සංස්කෘතික ජාතික වාදීන් ) . මෙහි මුලින් කිවූ බොගබල Nazi ෆේස් බුක් සේනා ,ඊළාම් කොටි මා සම්පුර්ණයෙන්ම ප්‍රතික්ෂේපකරනව විරුද්ධයි ඒකට හේතු දක්වන්නවත් ඕනෑ නැහැ කියලයි මම හිතන්නේ. දෙවැනි ලෝක යුද්දේ ඉවරවෙලා දැන් ගොඩක් කල් නේ ජර්මන් නාසි වාදය වගේ දෙයක් ගැන දන්නවනම් මේ මුකුත්  නොදන්න බබාලට උත්තර දෙන්න 2013 පරක්කු වැඩියි.ඒක නිසා මෙතැන් සිට ඔවුන් නොසලකා හරිමි. නමුත් නලින් ල චම්පිකල ලේසියෙන් මගාරින්න බැහැ . මොකද මේ ජාතික චින්තක සංස්කෘතික ජාතික වාදීන් ගේ තර්කය   නූතන ලිබරල් දෘෂ්ටිකෝණයකින්  පවා යම් තාර්කික බවක් පෙන්වලයි ඔවුන් තර්ක කරන්නේ. ඒ නිසා මේ පළාත් සභා ,දෙමල වෙනම රාජ්‍ය, බලය සහ භුමිය ජනවාර්ගිකත්වය මත බෙදා ඉල්ලීමේ දී සහ බෙදා නොදීමට ඉදිරිපත්විමේදී මේ ජාතික වාදීන් ඉන්නා ස්ථාවරය සහ සහ මගේ මේ ප්‍රාන්ත දෙකේ යෝජනාවට අදාලව මා ඉන්නා ස්ථාවරය මම න්‍යායිකව පැහැදිලි කරන්නම්.
සංස්කෘතික ජාතිකවාදය - Cultural nationalism
මේ අය දෙමල හෝ සිංහල වුවද කෙතරම් එකිනෙකා සම්මුතිගත නොවුවද දෙපැත්තටම ඇත්තේ  කියන්නේ එකම තර්කයකි මේවා ඉතා රසවත්ය  නලින් ජාතික චින්තනය ගැන කියන දේ ඕනෑම සිංහල බෞද්ධයෙකුට කනේ මි පැණි දානවාක් මෙන් නොවේද? ඒවා කියවන විට මට නම් පොඩි කික් එකක් දැනෙයි. තාර්කිකය රසවත්ය  දෙමළ ජාතීන්ටද ඔවුන්ගේ  නලින් සිල්වා කෙනෙක් ඇත්නම් දෙමල ජාතික චින්තනයේ දේවල්  ඒවා ඔවුනට එසේම රසවත් විය යුතුය. දෙමල ජාතික වාදීන්මේ අපේ දෙමල සංස්කෘතික උතුරයි ඒ නිසා  බලය බෙදා දෙන ලෙස ඉල්ලයි සිංහල ජාතිකවාදීන් බලය බෙදා නොදෙන්නෙමි මේ අපේ සිංහල රටයි කියයි හැබැයි දෙපැත්තම කියන දේ ඔවුන්ගේම තර්කයට අනුව දෙපැත්තටම එකසේ සත්‍ය බව දෙපැත්තම පිලි නොගනියි. දෙපැත්තම කියන්නේ මෙවැන්නකි සිහල බෞද්ධ සංස්කෘතිය /දෙමල සංකෘතිය නිසා එම අදාල ජනතාව එම ඔවුන්නට ආවේනික සංස්කෘතික වත් පිළිවෙත් වල නිදහසේ යෙදීම නිසා  ඔවුනට විශාල සතුටක් ලැබේ.   .
මෙතනට එනකං ඔවුන් දෙගොල්ලෝම නිවැරිදිය. මෙතනින් පසු ඔවුන් මෙයට රාජ්‍යය සහ බලය  පටලවා ගනී. අවුල ඇතිවන්නේ ඉන් පසුවය.
රාජ්‍යය සහ බලය මෙයට ආඳා ගැනීමට ඔවුන් කියන්නේ  මෙවැන්නකි සිංහල බෞද්ධයා විඳින සතුට අපි තවත් වැඩි කරනවා රාජ්‍ය/බලය යොදාගෙන  අදාළ සංස්කෘතියට රාජ්‍ය අනුග්‍රහය දක්වලා. මේ නිසා මිනිස්සුන්ට හැකිවෙනවා  තමන්ගේ සංස්කෘතික වත්පිළිවෙත් වල යෙදීලා ඒවා ඉදිරි පරම්පරාවට යවන්න.දෙමළ ජාතිකවාදීන් ද  වෙනම බලය ඉල්ලන්නේ මෙයටමය.මෙහිදී එක ප්‍රදේශයේ අධිපති සස්කෘතියක්  රාජ්‍ය/බලය යොදාගෙන තමන්ගේ අරමුණු සහ ස්ථාවර භාවය ආරක්ෂාකර ගැනීමයි. මෙහිදී රාජ්‍යයේ රටේ අරමුණු , පුද්ගලයාගේ අයිතීන් සහ ස්ථාවරත්වය අවතක්සේරු වේ.මේ දෙගොල්ලොගෙම සහ මගේ නයායික වෙනස සලකුණු වෙන්නේ මෙතැනිනි. මෙම ජාතික චින්තනය අමිශ්‍ර ලිබරල්වාදී සංකල්ප වලට දක්වන ප්‍රතිවිරෝධතාවය මෙයයි.  මම පිළිගන්නා අන්දමට   රාජ්‍ය/බලය  පැවතිය යුත්තේ ආගම ජාතිය නොසලකා රටේ හැම මිනිසුන්ගේම අරමුණු සහ ස්ථාවරත්වය තහවුරු කරගැනීම සහ පුද්ගලයාගේ අයිතීන් තහවුරු කිරීමට මිස එක එක සංස්කෘතීන් ජාතින් වල අරමුණු සහ ස්ථාවර බව ආරක්ෂා කිරීමට නොවේ. (state/power to defend and support the goals and stability of the state, the  rights of the individual not particular cultures.)
මෙය තේරෙන උදාහරණයකින් කියන්නේ නම් මෙවැන්නකි.  සිංහල බෞද්ධයාට රාජ්‍ය/බලය ඇති පළාතක පන්සලක හැම පෝයටම පෙරහැරක් යනවා යැයි හිතන්න. එවිට රාජ්‍ය අනුග්‍රහය යොදලා හැම පෝයකටම ඒ   පැත්තෙන් යන ප්‍රධාන පාර අදාල සිංහල බෞද්ධ සංස්කෘතිකමය වත් පිළිවෙත සඳහා  වහන්න බලය යොදවනවා. අවසර දෙනවා. දැන් පොදු  පාර සිංහල දෙමල මුස්ලිම් හැමෝටම අයිතියි නමුත් අනෙක් ජාතින් අනිත් ආගම් ඒක ඉවසන්න වෙනවා. දෙමල ජාතිකවාදීන් කියන්නෙත් මේකම තමයි අපිට යාපනේ උතුරේ වෙනම රාජ්‍ය  බලය අපිටම දීපන් එවිට ඔවුනට කෝවිලේ සංස්කෘතික උත්සවයට අනික් මිනිසුන් ආගම් ගැන නොසිතා පොදු පාර බලය යොදා තමන්ට ඕනෑ හැටියටඕනෑම දවසක  වසා දැමිය හැක.
මෙවැනි ජාතික චින්තන වාදී දෙමළාට සහ සිංහලයාට මට කියන්නට ඇත්තේ මෙවැන්නකි  ඔබලාට සංස්කෘතිකමය අවශ්‍යතාවයන් සඳහා රාජ්‍ය බලය යොදාගන්නවා වෙනුවට ඒවා පුද්ගලික අවකාශය තුල කරන්න. රාජ්‍යය ඇත්තේ  පුද්ගලයාගේ අයිතීන් තහවුරු කිරීම සඳහාය.එක එක සංස්කෘතීන් ජාතින් වල අරමුණු සහ ස්ථාවර බව ආරක්ෂා කිරීමට නොවේ.
මම  රටේ ආර්ථික, සමාජීය සහ රාජතාන්ත්‍රික හේතු නිසා සංකල්පීය ලෙස රටේ ආර්ථික සමාජීය සුභ සිද්ධිය තකා මෙවැනි නව තාලයකට  වර්ගවාදී නොවන විකල්ප ක්‍රමයකට රට බෙදන්නට කැමැත්තෙමි   නමුත් එක එක ජාති ආගම් සංස්කෘති වල වත් පිළිවෙත් ස්ථාවරත්වය සඳහා අනෙකුත් පුද්ගලයින් මත බලය යෙදවීම සඳහා ජනවාර්ගික පදනම මත බලය බෙදීමට අකමැතිය.
by ©Uditha Meegahathenna

Thursday, June 6, 2013

ගැහැණුන්ගේ ගල(කලව) අතගෑම සහ යුක්තියේ ආර්යාව


පසුගියදා රත්නපුර රෝහලේ රාත්‍රි සේවයට යමින් සිටි හෙද නිලධාරිනියකගේ කලව ප්‍රදේශය අතින් ස්‌පර්ශ කළ බව කියන පුද්ගලයකු ඇතුළු තිදෙනකුට එරෙහිව කාන්තාවක් කරන ලද පැමිණිල්ලකට (දිවයින පුවත මෙතනින් බලන්න.) අසන ලද නඩුවකදී මහෙස්‌ත්‍රාත්වරයා මෙසේ කියා ඇත. "කාන්තාවන් කොටට ඇඳගෙන යන්නේ වෙනත් කාන්තාවන්ට පෙන්නන්න නොවෙයි, කොල්ලන්ට බලපිය කියලයි. අල්ලපිය කියලා නොකියා කියන කාන්තාවන් ද ඉන්නවා. මෙයා ඇඳගෙන ගිය ඇඳුම මොන වගේ එකක්‌ද යන්න පරීක්‍ෂණ පැවැත්වූවාද කියා පොලිසියෙන් ඇසීය"
යකාගේ හැටියට විමානය මෙන්ම දැන් ඉන්නේ  ලාංකිකයාගේ හැටියටම ගැලපෙන පාලකයින් පමණක් නොව අපේ බොදු බල තලිබාන් ජනතාවටම ගැලපෙන උසාවි සහ  මහෙස්‌ත්‍රාත්වරුද ඇත. අනේ වාසනාවන් ආශ්චර්යය උදාවී ඇත. අර හෙදිය මුස්ලිම් ගැහැනියක් මෙන් මුළු ඇඟම වහගෙන ගියානම් ඉවරය. ලංකාවේ කාන්තාවන්ටද බොදුබල ක්‍රමයට කහ සිවුරේ පාටින් මුස්‌ලිම කාන්තාවන්ට මෙන් ගෝනි ඇඳුමක් යෝජනා කල යුතුය.
එවිට සාධරණය සඳහා උසාවි හෝ නීති බල ගැන්වීම සඳහා පොලිසි අවශ්‍ය නොවේ උසාවි පොලිසි වසා දමා මහෙස්‌ත්‍රාත්වරුද ඇතුළුව සියලුම දෙනාට පැන්ෂන් යාහැක. මහජන මුදල් ඉතිරිකළ හැකි බැවින් රටට දැන් ඕනෑ වෙන්නේ මෙවැනි සාර්ථක ක්‍රම හඳුන්වාදීම කල හැකි  මුලධර්මවාදී' බල සේනාවක් පමණි. මහෙස්‌ත්‍රාත්වරයා නොකියා කියා ඇත්තේ දුෂකයන්  ගැහැනුන් දුෂණය කිරීම වැලැක්වීම සඳහා නිතිය පොලිසිය පෙනී සිටිනවාට  වඩා ගැහැණුන්ගේ කලවා වැහීම ද වැදගත් වන බවයි. අපිට නීතියට අධිකරණය විවේචනය කල නොහැක එබැවින් එම මතය මම  පිළිගනිමි. යුතුය එබැවින් නීතිගරුක පුරවැසියෙකු වශයෙන් මම ඒගැන මුකුත් නොකියමි. නිතිය දන්නා කියවන්නන්ගෙන් මට ඇතිවූ ගැටළු කිහිපයක් පමණක් අසමි.
යුක්තියේ ආර්යාව- Lady Justice
මහෙස්‌ත්‍රාත්වරයා ඉහත ප්‍රකාශය කර ඇත්තේ කාන්තාවක් තමාට සාධරණය ඉටුකර ගැනීම සඳහා නීතියේ පිළිසරණ සොයා ගිය අවස්ථාවකය. මා දන්නා පරිදි අපේ රටේ මෙන්ම බොහෝ රටවල අධිකරණයයේ යුක්තිය සංකේතවත් කිරීමට භාවිතා කරන පිළිමය වන  යුක්තියේ ආර්යාවද කාන්තාවකි. 15 වැනි සියවසේ පටන්ම යුක්තියේ ආර්යාව උසාවි ඉදිරිපිට පින්තුර ,ප්‍රතිමා වල ඉන්නේ  ඇස් වසා බැඳ ඇති පරිද්දෙනි. මෙයින් නිරූපණය වන්නේ නිතිය ක්‍රියාත්මක කිරීමේදී අන්ධ ලෙස යුක්තිය   "blind justice;" පසඳිය යුතුයැයි කියන න්‍යායික අර්ථ දැක්වීම මත පිහිටුවා උසාවිය කටයුතුකරන බව සංකේතවත් කිරීමයි.
මෙහි අර්ථය නම් උසාවියකදී නඩුවක් අසමින් තින්දුදෙමින් ඔබගේ ඉරණම තීරණය කරන පුද්ගලයා  යුක්තියේ ආර්යාව මෙන් අන්ධව සිය විනිශ්චය කලයුතු බවයි. තීන්දුව දෙන්නා ගේ ඇස් බැඳ ඇතිනිසා ඔබ කවුද යැයි ඔහු නොදකී. එබැවින් ඔහුගේ විනිශ්චය දැඩි ලෙස අදාල කාරනාවට නීතියේ අර්ථ දැක්වීම පමණක් සලකා බලා විනිශ්චය දීම  විෂයබද්ද (objectively) ලෙස  පමණක්  නීතියට සහ අදාල කරුණට පිටතින් ඇති වෙන දේවල්   වල බලපෑමක් නොවන ලෙස යුක්තිය ඉටුකිරීමයි.
උදාහරණයකින් පැහැදිලි කරන්නේ නම් නඩුවක එක පාර්ශ්වයක චුදිතයා බෞද්ධ හිමිනමක් යැයි සිතන්න. ඔබ නඩුකාරයා යැයි සිතන්න. නඩුකාරයා වන ඔබ උසාවියෙන් පිටත පුද්ගලික ජීවිතයේ ඉතා දැඩි  භක්තිමත්
බෞද්ධයෙක් කියමු. අදාළ චූදිත හිමිනමට ගරු කරන දායකමහතෙක්. නමුත් උසාවිය තුලදී විනිසුරු අසුනේ සිටින විට ඔබගේ ඇස් යුක්තියේ ආර්යාව මෙන් බැඳ ඇති නිසා මේ චුදිතයා බෞද්ධ හිමි නමක් ලෙස ඔබ නොදකී. එබැවින් ඔබේ තීන්දුව ඔබ දරණ පුද්ගලික ඇදහීම් හෝ ඔබදරණ මතවාද වලින් කිලිටි පක්ෂපාත නොවී   අදාල කරුණට ඇති නීතියේ අර්ථදැක්වීම පමණක් පදනම් කරගෙන විනිශ්චය ලබාදෙනවා යන්න මෙහි අර්ථයයි. "blind justice;" වලදී  විනිසුරුගේ පුද්ගලික දෘෂ්ටිවාද මෙන්ම තමන් ඉදිරිපිට සිටින පුද්ගලයාගේ  ධනය බලය ප්‍රසිද්ධිය වැනි කරුණු නොසලකා බැහැරලා පුද්ගලයා කවුදැයි නොදැකිමින් විනිශ්චයට භාජනය කල යුතුය.

මම නිතිය හදාරා නැත එබැවින් මේ මහේස්ත්‍රාත් වරයාගේ කතාව හරි වැරදි හෝ විවේචනය කරන්නට මට නොහැක සමහර විට මා නොදන්නා දෙයක් මෙහි තිබිය යුතුය. මගේ ගැටලුව මෙයයි.
"කාන්තාවන් කොටට ඇඳගෙන යාම " තහනම් නීතියක් ලංකාවේ තිබේද?
එසේ තිබේනම් එය මේ නඩුවට අදාලව අර්ථ නිරූපණය වන්නේ කෙසේද?
කොටට ඇදගෙන යන ගෑනු දුෂණය කිරීමේදී සහ බුර්කාව ඇඳගෙන මුළු ඇඟම වහගත් කාන්තාවක් දුෂණය කිරීමේදී ලංකාවේ නිතිය මේ දෙක අර්ථදක්වන්නේ  වෙනස් විදියකටද?

කොටට ඇඳගෙන ගියානම් තෝ දුෂණය කල එක උඹට හොඳ වැඩේ වගේ කතාවක් ගමේ කෝපිකඩේ කෙනෙකුගෙන් ඇසීම සාමාන්‍ය දෙයකි. උසාවියක   මේ පිළිමය ඉදිරිපිටට   තමන්ගෙන් සාධාරණය ඉටුකරගැනීම සඳහා පැමිණි කාන්තාවකට  යුක්තියේ ආර්යාව ම මෙසේ කීම මටනම් තවමත් තේරුම් ගත නොහැකි කාරණයකි. කරුණාකර කලුකෝට් අඳින ඇනෝනිමස් මහතෙකු හෝ මට මෙය පැහැදිලි කර දෙන්න.

Thursday, May 16, 2013

ලංකාවේ(රාජපක්ෂ වරුන්ගේ) අනාගතය, ජේ ආර් සහ මාග්‍රට් තැචර්

ජනාධිපති මහින්ද රාජපක්ෂ පාලන කාලය  මිට වසර කිහිපයකට පෙර වසර 30ක් තිස්සේ පැවති යුද්ධයට නැවතීමේ ලකුණ තබන ලදී මෙය අපේ ජීවිතකාලය  තුල සිදුවූ විශාල පෙරළියකි. ඉන්පසු මේ දක්වා පසුගිය කාලය තුල සිදුවූ දෙය අපි කවුරුත් හොඳින් දනියි. "මොන වැරදි තිබුනත් දැන් අපිට බෝම්බ පිපිරෙනවද කියල හිතන්නේ නැතිව බය නැතිව පාරේ බැහැල යන්න පුළුවන්" යන සරල වැකිය තමන්ටම නැවත නැවත මතුරා ගනිමින් පිරිසක් පවත්නා අවිචාර සමය සමග සම්මුතිගත වෙයි. තවත් පිරිසක් "අනේ මම නම් කතා කරන්න අකමැතිම දේ තමයි දේශපාලනය"  කියමින් තමන්ගේ පාඩුවේ ඉන්නවා කියා සැනසෙන්න උත්සාහ කරති.  පුළු පුළුවන් අය පිටරට පනිති. බල  පුළුවන් අය විල ඉහගෙනම මාළු අල්ලති. බල පුළුවන්කාරයන් වටේ වටේ ඉන්නා අය ලොක්කන් අත නොතියන පොඩි පොඩි මාළු ටික රැගෙන යති.   බලය ඇති ලොක්කන් පිරිසක් තැටිය රත්කර රොටි පුච්චා ගෙන කති. වටේ ඉන්නා අය ලොක්කන් රත් කරන ලද තැටියෙන් තමන්ටත් රොටියක් පුච්චා ගනිති. 
ජාතික ආරක්ෂාව හැර රටේ අනෙකුත් සියලුම දේවල් රටේ නිතිය සහ පර්යාය,අධිකරණය,ආගම් සංස්ථා ,පවුල, පුද්ගලික දේපල අයිතිය ,සැමට සම අවස්ථා ,සියලුම රජයේ ආයතන සහ රටේ ආර්ථික දර්ශකය වන කොටස් වෙළඳපොල පවා දැන් කිසිම තාර්කික භාවයක් නැති ආයතන බවට පත්වී ඇත. ප්‍රජාතන්ත්‍රවාදය යනු  පාර්ලිමේන්තුව වැනිම තවත් එක් වචනයක් පමණි. මේවා පොළොවට සම්තලාවිම පිලිබඳ වගේ වගක් ජනතාවට නැත. ඒ පිලිබඳ මට ජනතාව සමග ගැටළුවක් නොමැත. ජනතාව දේවල් තේරුම් ගන්නේ ඔලුවෙන් නොව ප්‍රායෝගික ජීවිතය තුලිනි. ජීවිතය කෙසේ හෝ තවමත් ගලා යයි ඉඳ හිට විනෝද චාරිකාවක් යාමට තවමත් හැකියාව පවතී. ඉහත මා නම් කරන ලද කඩා වැටුන ආයතන ලාංකීය පොදු ජනතාවගේ ප්‍රාරායෝගික ජිවිතයේ කිසිමදිනක වැදගත් කමක් අත්කරගත් දේවල් නොවිය.  
ඉහත කඩාවැටීමෙන් ජනතාවට ගානක් නැති වුවද ජනතාවට දැනෙන එක දෙයක් ඇත. ඒ තමන්ගේ පසුම්බියේ ඇති මුදල් ප්‍රමාණයයි. එදිනෙදා තමන්ගේ ජීවිතය පවත්වාගෙනයාම සඳහා අවශ්‍ය ආහාර මිලදී ගැනීමට තමාගේ පසුම්බියේ ඇති මුදලින් කෙතරම් ප්‍රමාණයක් වැය වන්නේද යන ප්‍රතිශත ගැටලුව යම් සීමාවක් කරා එළඹි වහාම  රටේ ඉහත ආයතන වල කඩාවැටීම  ආර්ථික කඩා වැටීමක් ලෙස රුපන්තරණය වී  පොදු ජනයාට දැනෙන්නට පටන් ගනී. පොකැට්ටුවේ එම සීමාව පසුකර ගියවිට   ජාතික ආරක්ෂාව කෙතරම් තහවුරු කර ඇතැයි කීවද මිනිසුන්ට වැඩක් නැත. මෙය තවම තේරුම්ගෙන නොමැතිවීම දක්ෂ රජයේ නිලධාරියෙකු ලෙස හඳුන්වනු ලබන ගෝඨාභය රාජපක්ෂ මහතාගේ දැක්මෙහි දුර්වලතා ලක්ෂයයි. රාජපක්ෂ වරුන්ගෙන් මම මෙහි ප්‍රථමයෙන් නම් කරන ලද ආරක්ෂක ඇමතිතුමා තමාගේ බලය අනාගතයට දිගටම පවත්වාගැනීම සඳහා අවශ්‍ය මුලික සාධකය ලෙස ජාතික ආරක්ෂාව දිවිහිමියෙන් රැකීම පමණක් ප්‍රමාණවත්ය යැයි සිතුවහොත්  එතුමාගේ අනාගතය තහවුරු කර ගැනීම සඳහා කොටින්ට එල්ල කල තුවක්කුව පොකැට්ටුව නිසා අසතුටට පත්වී සිටින  පොදු ජනතාව දෙසට හැරවීමට එතුමාට සිදුවනු ඇත. මෙය වළක්වාලීමට හැකියාව ඇත්තේද එතුමාටම පමණි. එතුමා ඔහුගේ දැක්ම ජාතික ආරක්ෂාව යන සිමාවෙන් ඔබ්බට ගොස් ආර්ථිකය දක්වා පුළුල් කරගත යුතුය. මෙහිදී ඔහුට කල හැකි දෙයනම් භය නැතිව යුධකර  ප්‍රභාකරන් පරාජය කලාක් මෙන් වහා නොබියව කලයුතු සිවිල් ආයතන සහ ආර්ථික ප්‍රතිසංස්කරණ සඳහා දැනට බලයේ සිටින සිය සහෝදර රාජපක්ෂ වරුන්ට අවශ්‍ය සහයෝගය ශක්තිය  ලබාදීමයි. ජනතාව විනෝදයෙන් සතුටින් අනේ අපි දේශපාලනයට කැමති නැහැ කියමින් ඉන්නේ තමන් ගේ එදාවේල පිරිමසාගත් පසු තමන්ට විනෝදවීමට කෙතරම් මුදලක් අතේ ඉතිරිවෙනවාද යන සාධකය මතයි. තමන්ගේ විනෝදය සහ සතුට අහිමිවූ පසු මිනිසුන් වෙඩි උණ්ඩ ගණන් ගන්නේ නැත. 
මා ඉහත දක්වා ඇති සිවිල්  ආයතන (නිතිය සහ පර්යාය,අධිකරණය,ආගම් සංස්ථා ,පවුල, පුද්ගලික දේපල අයිතිය ,සැමට සම අවස්ථා ,සියලුම රජයේ ආයතන,,, සහ  කොටස් වෙළඳපොල) තවදුරටත් අතාර්කික ලෙස කඩා බිඳ දැමීම වලක්වා නැවත ඒවා නිවැරිදි නොකෙරුවොත්  සහ අත්‍යාවශ්‍ය ආර්ථික ප්‍රතිසංස්කරණ   නොකර සිටියහොත් නුදුරේදීම  ලංකාව ට මෙන්ම රාජපක්ෂ වරුන්ටද මා මේ අනතුරු හඟවන අමිහිරි සත්‍යයට මුහුණ දීමට සිදුවනු ඇත. අසතුට පත් මිනිසුන් මරා මර්ධනය තුලින්  බලය රැකගන්නවාට වඩා රටේ ආර්ථිකය නංවාලීම විධිමත් පරිදි සිදුකර මිනිසුන් සතුටට පත්කිරීම තුලින් බලය රැක ගැනීමට තවමත් රාජපක්ෂ වරුන්ට අවස්තාව විවෘතව ඇත. 
මෙය කිරීමට මේ මොහොතේ ඇත්තේ එකම ක්‍රමවේදයක් පමණි. මා යෝජනා කරන ක්‍රමය හැර වෙන ප්‍රායෝගික ලෙස කිසියම් රටක සාර්ථක වූ වෙන විසඳුමක්  කවුරුන් හෝ යෝජනා කරන්නේ නම් මා සතුටුය නමුත් මා දකින්නේ දැන් පවත්නා තත්වය යටතේ රට ගොඩ ගැනීමට ඇති එකම විසඳුම පහත මා ඉදිරිපත් කරන සමාජ ,ආර්ථික ප්‍රතිසංස්කරණ යුධ මෙහෙයුම පමණකි. රාජපක්ෂවරුන් මේ මා කියන මාවත දිගේ කෙතරම් දුර ගමන්    කරනවාද යන්න මත රටේ අනාගතය තීන්දු වනු ඇත.
මා දැන් කියන දෙය නිසා හිත හොඳ බොහෝ මිනිසුන්ට මා සමග කේන්ති යනු ඇත නමුත් ඔවුන් ගේ  අසතුට නොසලකා මා  මෙය කිව යුතුය. 
පාලකයින්ද ඇතුළුව රටේ ජනතාවගෙන්ද බොහෝ පිරිසක් තවමත් වටහාගෙන නොමැති වුවද  පාර වැරදි  අපි දැන් යන්නේ විනාශයේ මාවත දිගේය. නුදුරු කාලයේ ආර්ථික ගමනේ පාර වැරදුනේ  මංගල සමරවීර උප්පරවැට්ටියක් යොදා රනිල් වික්‍රමසිංහ බලයෙන් පහකළ හන්දියේදීය. එසේ පාර  වැරදීම ජාතික ආරක්ෂාව යන කාරණයට සුභවාදී ලෙස බලපෑ බව බොහෝ දෙනාගේ මතයයි, ඒ පොදුජන මතයට මම හිස නමමි. නමුත් දැන් ජාතික ආරක්ෂාව තහවුරු වී ඇති නිසා ආර්ථික  විනාශයෙන් ගැලවීමට අපි රටක් වශයෙන් අපේ මාර්ගය නැවත නිවැරිදි කලයුතුය. ඒ සඳහා අපි දැන් රිවර්ස් ගියර් එකේ දමා නැවත රනිල් වික්රමසිංග බැසගිය හන්දියට ආපසු යා යුතුය. ඉන්පසු එතැනින් නිවැරිදි ප්‍රයෝගික ලෙස ආර්ථිකය ජයගත හැකි මාර්ගය වෙත නැවත ප්‍රවිෂ්ඨ විය යුතුය. මෙහි රියදුරා ලෙස නැවත රනිල් වික්‍රමසිංහ ඕනෑ යැයි මම කියන්නේ නැත . ඔහු කොහොමටත් දක්ෂ රියදුරෙකු නොවේ. ඔහු සිතියම් බලා මග පෙන්වන්නෙකු ලෙස සුදුසුය. ගල් මුල් උඩින් රිය පැදවීමේ ජවය ඔහුට නොමැත. මහින්ද රාජපක්ෂ කනෙන් අල්ලා එලියට දැමු මංගල වැනි කපටි දුර්වල මිනිසෙක් ඉතා පහසුවෙන් එදා රනිල් රියදුරු අසුනින් එලවා සුක්කානම ඔහුගෙන්  පැහැර ගන්නා ලදී. ප්‍රමාදනොවී ක්ෂණික මුදල් සහ බල තන්හාව පසෙකලා   නිවැරිදි මාර්ගය කරා රට මෙහෙයවීමට යහපත් දැක්ම ඇතිකර ගන්නේ නම් රාජපක්ෂ වරු තවමත් රියදුරු අසුනට සුදුසුය.  
අප පසුකර ගොස් ආ හන්දියට ආපසු රිය පදවාගෙන ගොස් අපි නැවතත් නිවැරිදි මාවතට වැටිය යුතුය. අපට විශ්වාසයෙන් යුතුව  යෑමට දැන් ඉතිරිවී ඇත්තේ මේ  එකම එක පැහැදිලි  මාවත පමණි. මිට කලින් මේ මාවතේ ගිය අය සාර්ථක ලෙස ආර්ථික ව්‍යසන වලක්වා ආර්ථිකය ජයගත් බවට ඕනෑ තරම් සාක්ෂි ඇත. ඇත්තේ මේ මාවතේ නොබියව රිය පැදවිය හැකි මිනිසෙක් සහ වෙනස්වීමට ආකල්ප වෙනස්කර ගැනීමට ඇති ආත්ම ශක්තියයි.
වාමාංශික අන්ධ  භක්තිකයෝ කොතරම් අකමැති වුවද මා නොබියව කියමි. මේ මාවතේ මිට පෙර රිය පදවාගෙන ගිය රියදුරන් දෙදෙනෙක් නම් අපේ ජේ ආර් පප්පා සහ එංගලන්තයේ මාග්‍රට් තැචර් නෝනායි.
ජේ ආර් ට වැරදුනි. ජේ ආර් ට වැරදුනේ ඔහු ගිය පාර වැරදුන නිසා නොව වෙනත් සරල කාරණයක් නිසාය. ඔහු වාහනයේ බ්‍රේක් , සිග්නල් ලයිට් , එන්ජින් ඔයිල් වැනි දේ හරියට තිබේදැයි නොසලකා වාහනය මේ නිවැරිදි මාර්ගයේ දමා පදවන්න විය. මාර්ගය කෙතරම් නිවැරිදි වුවද මේ අඩුපාඩුව නිසා වාහනය මගදී අබලන් විය. බොහෝ දෙනා වාහනය මගදී අබලන් වීම හේතු නොසලකා  ජේ ආර් ගමන්ගත් මාර්ගයේ වැරද්දක් බව සිතති. මෙය නිවැරිදි නොවේ.  වාහනයේ තිරිංග සිග්නල් ලයිට් , එන්ජින් ඔයිල්  යනුවෙන් මා අදහස් කරන්නේ ඉහත මා පෙන්වා ඇති ආයතන (නිතිය සහ පර්යාය,අධිකරණය,ආගම් සංස්ථා ,පවුල, පුද්ගලික දේපල අයිතිය ,සැමට සම අවස්ථා ,සියලුම රජයේ ආයතන,,, සහ  කොටස් වෙළඳපොල)  වැනි ආයතනික ප්‍රතිසංස්කරණ කිරීම සහ  නෛතික රාමුව නිවැරිදි කර ගැනීමයි මෙය වාහනය සර්විස් කර ගමනට සුදූසු ලෙස නවීකරණය කර ගැනීමයි. ඉන්පසු අපි එය අපිට පෙර ජේ ආර් පප්පා සහ මාග්‍රට් තැචර් නෝනා ගිය මාවතේ දැන්වත් විශ්වාසයෙන් යුතුව පැදවිය යුතුය.
මාග්‍රට් තැචර් නෝනා රජය සතු පාඩු ලබන අති විශාල කර්මාන්ත සහ ව්‍යාපාර නොබියව පුද්ගලිකකරණය කරන ලදී. රජය සතු ජාතික ගුවන් සේවා (British Airways), නාවික අංශය , වාහන නිෂ්පාදන, දුම්රිය සහ සියලුම ජාතික උපයෝගිතා සේවා (විදුලි,ගෑස් ,ඉන්ධන,ජල සැපයුම්) සියල්ල යකඩ ගැහැනියක් සේ නිදහස් වෙළඳපොළට විවෘත කරන ලදී.
" පුද්ගලිකකරණය...බ්‍රිතාන්‍යයේ ආර්ථිකය ගොඩගත් ප්‍රධානතම සංකල්පයයි" යනුවෙන් ඇය ඇගේ මතක සටහන් තුල  සටහන් කලද 
මා සිතන්නේ ඇය කල ලොකුම දෙය නම් අගාධය කරා නිසැකව යොමුවී ඇති අබලන් පාලම් ඇති වල්වැදී ඇති සමාජවාදී පාරෙන් වාහනය රිවස් කර  අනෙක් මාර්ගයට ගැනීමයි.
ඒ නෝනා කොමිනිස්ට්වාදයට එරෙහිව නොබියව යකඩ ගැහැනියක් සේ හිටගෙන එවකට සුභසාධන රාජ්‍යයක් වූ එක්සත් රාජධානියේ  මුල්‍ය වෙළඳපොල නිදහස් කිරීම සහ බයනැති දේශපාලන තීන්දු ගන්නා ලදී.
රාජපක්ෂවරුන්ගේ මෙන්ම ලංකාවේද අනාගතය රඳා පවතින්නේ රාජපක්ෂ වරු යකඩ මිනිසුන් මෙන් යුද්ධ කල විලසින් සමාජ ආර්ථික දැක්ම තුලත් කෙතරම් යකඩ මිනිසුන් ලෙස හැසිරෙන්නේද යන කරුණ මත පමණි.  ඔවුන් කල යුතු දේ දැන් නොකර සිටියහොත් වෙන්නේ චන්ද්‍රිකා නෝනා මෙන් වට වංගු ගසමින් රට එකතැන කැරකීම පමණි. 
රාජපක්ෂ වරුන්ට මා දෙන සුත්‍රය ඉතා සරලය. ඔවුන්ට මා කියන්නේ රටේ ජයග්‍රහණයේ මාවත මෙන්ම ඔවුන්ගේ ජයග්‍රහණයේ මාවත බැවින් මා සමග උරණ විය යුතු නැත.
මා ඔවුන්ට නොබියව කියමි.With all due respect, Sir, 
1. දැන්වත් හම්බන්තොට style එකට විල  ඉහගෙන මාළු ඇල්ලීම නවත්වන්න (රට ගොඩගත් විට ට්‍රෝලර් දමා මාළු ඇල්ලිය හැක)- ගෝලයන් හිත මිතුරන් ඔබලාද විකුණමින් කරන දුෂණ වංචා වලට තිත තියන්න.
2. සමාජවාදී සුභසාධන මාවතෙන් ආපස්සට වාහනය රිවස් කරගෙන රනිල් ගෙන් සුක්කානම උදුරාගත් හන්දියට ආපසු යන්න.
3. බ්‍රේක් , සිග්නල් ලයිට් , එන්ජින් ඔයිල් දමා වාහනය සර්විස් කරන්න  (රටේ ආයතනික ප්‍රතිසංස්කරණ කිරීම සහ  නෛතික රාමුව නිවැරිදි කර ගැනීම)
4. යකඩ මිනිසුන් ලෙස පැයට සැතපුම් 100 වේගයෙන් රිය පදවා  ධනවාදී නිදහස් වෙළඳපොල ආර්ථිකය ක්‍රියාත්මක කරන්න. (we already running late)



by ©Uditha Meegahathenna 

Monday, March 25, 2013

පළා බබා අපිට එපා

හිටපු ආරක්‌ෂක ලේකම් ඔස්‌ටින් ප්‍රනාන්දු මහතාට අනුව සනත් ජයසුරිය ඒ කාලේ බෝල කුඩුවෙන්න පිටියේ     හතර වටේටම පහර දුන් විලාසයෙන් පලා බබාට එලව එලවා දුවන්නම පහර දුන්නේ  දිවයින පුවත් පතේ වම් ඉවුර තීරුව හරහා  සී. ඒ. චන්ද්‍රප්‍රේම  මහතායි. ඔස්‌ටින් ප්‍රනාන්දු වැනි මහත්වරුන් ජි ඇල් පිරිස් මහත්වරුන් අපේ රටේ ඉතා වැදගත් මහත්වරුන්ය නමුත් මේ මහත්වරු නිසා දේවල් සිදුවන පිලිවල කිසිම විදියකින් වෙන්නේ නැත. පවත්නා තත්වය අර්ථ දක්වමින් අපි මිය යනතුරු සිටින වැදගත් මහත්වරුන්ට වඩා පවත්නා තත්වය වෙනස් කරන දැන් ආරක්ෂක ලේකම් ගෝඨාභය රාජපක්ෂ මහතාට  සහ සනත් මෙන් පන්දුවට පහර දෙන  සී. ඒ. චන්ද්‍රප්‍රේම  වැනි ඔලුවක් මෙන්ම ශරීරයක් ඇති ලියන්නන්ට මම කැමැත්තෙමි. හොඳ අදහස් ඕනෑ තරම් තිබේ අපිට අවශ්‍ය  ඒවා ක්‍රියාත්මක කිරීමට තරම් කොන්දක්, ශරීරයක් ඇති මිනිසුන්ය.

කිසිදු තාර්කිකත්වයක් නැති කිසිදු වැදගම්මක් නැති දෙයක් වන පළාත් සභා යනු ඉතා ජාතිවාදී පදනමක්‌ මත  බෙදා වෙන් කර ඇති බෙදුම්වාදී දේශපාලන පරිපාලන ව්‍යූහයකි. පළාත් සභා ස්ථාපිත  කරනු ලැබුවේ අපේ රටේ  දැන් පවත්නා  ජාතික අභිරුචිය උදෙසා නොව එකල  ඉන්දියාවේ උවමනාවට සහ කොටි පරාජය කිරීමට ගැසූ ගැටයක් ලෙසිනි. මේ ගැටය සාර්ථක වුයේද නැත. ඩිල් දමා සැබෑ ප්‍රශ්න විසඳිය නොහැකි බව ඔප්පු කරමින් කොටි ප්‍රශ්නය ඉවර වූයේ පළාත් සභා නිසා නොව ත්‍රස්‌තවාදී කැරලි කරුවන් රජයේ හමුදා විසින් පරාජය කොට මර්ධනය කිරීමෙනි.  පලා බබා අපේ රටට දුන් ඉටිගෙඩියක් නැත.

ඕවරයකට හයේ පාරවල් හයක් ගසන පිතුකරුවෙකු මෙන් සී. ඒ. චන්ද්‍රප්‍රේම  මහතා වැනි අය පළාත් සභා මොනතරම් පුස්සක් දැයි පෙන්වා දී ඇති නිසා එම කාර්ය නැවත නැවත කිරීමට මම වෙහෙස නොවෙමි.

අන්තර්ජාල බ්ලොග්  අවකාශයේ  මෙම ගැටලුව මෑත කාලයේ යලි කරලියට එන්නේ මාතලන්  බ්ලොග්කරු ලියු  "ඉන්දියාවේ බබා. හදන්නලු ඔබා.." නම්  සටහන සමගිනි. එහි මැතිවරණ ක්‍රමයේ සිට මැතිවරණ පවත්වන අකාරය ,දේශපාලන පක්ෂ අපේක්ෂකයින් ඉදිරිපත් කලයුතු අන්දම සහ ධූර කාල සිමා පිලිබඳ  පුළුල් පරාසයක් දක්වා යෝජනා ඉදිරිපත්කර ඇත මා ඉන් මෙහි අවධානය යොමු කරන්නේ පළාත් සභා පිලිබඳවය. ඒ පිලිබඳ එයට ලැබුන පතිචාර අතර    බුවාගේ සිතුවිලි !   මෙසේ කියා තිබුණි.

//පලා බබා එපා තමයි හැබැයි අහෝසි කරන්න කලින් විකල්පයක් ඕනි . දෙමල ජනතාවට විතරක් නෙවෙයි සිංහල මිනිස්සුන්ට වුනත් රාජ ආණ්ඩුවක් එපා නම් බලය විමධ්‍යගත කිරීමේ ක්‍රමවේදයක් තිබිය යුතුමයි .//

බුවාගේ මෙම ඉල්ලීම අසාධාරණ නැත බලය විමධ්‍යගත විය යුතුය හැබැයි එය විය යුත්තේ ජාතිවාදී බෙදුම්වාදී පදනමකින් නොවිය යුතුය. මගේ මුලිකම තර්කය එයයි බලය විමධ්‍යගත විය යුත්තේ රටේ නිෂ්පාදන සහ  වෙළඳපොල පදනම් කරගෙන මිස ජාතිය ආගම පදනම් කරගෙන නොවේ.

ලංකාවේ දැන් පවතින  පළාත් සභා නැත්නම් ලංකාවේ ආණ්ඩු ක්‍රමය රාජ ආණ්ඩු ක්‍රමයක්ද? ගාල්ලේ අක්මීමන ආසනයේ පුද්ගලයෙකුට තමන් පාර්ලිමේන්තුව තුල නියෝජනය කරන නියෝජිතයෙක් ඉන්නවා. මිට අමතරව ප්‍රාදේශීය ගැටළුවක් නිරාකරනය කිරීම සඳහා අක්මීමන ප්‍රාදේශීය සභාව තුල නියෝජිතයෙක් ඉන්නවා ප්‍රාදේශීය ලේකම් කාර්යාලයක් තියනවා. දැන් මිට අමතරව අතර මැද  දකුණු පළාත් සභාව කියල එකක් තියනවා එකේ අනර්කලී නංගි සහ මුතුහෙට්ටිගම අයියා ඉන්න එකෙන් ප්‍රයෝගික තලයේ ගැටළුවක් විසදා ගැනීමට අක්මීමන ආසනයේ පුද්ගලයෙකුට  වැඩි අවස්ථාවක් ලැබෙනවද ? නැහැ මේකෙන් වෙන්නේ වැඩකට නැති අනවශ්‍ය වියදමක් සුදු අලියෙක් වැනි තව විශාල ආයතනයක් සහ  පුද්ගලයින් මහජන මුදලින් නඩත්තු කිරීම විතරයි. මධ්‍යම රජය සහ ප්‍රාදේශීය සභාව අතර සිදුවෙන ගනුදෙනුව අතර මැද කිසිම තාර්කික හේතුවක් නොමැතිව පවතින පළාත් සභාව නම් පිළිලය ඉවත් කරලා ප්‍රාදේශීය සභාවට දැන් තියනවට වඩා බලතල දෙන එක බලය විමධ්‍යගත කිරීමේ වඩා එක් පලදායී ක්‍රමවේදයක් නොවේද?

ඊළඟ කරුණ  තමයි  බලය බෙදී යෑම ගැන කෙස් පැලෙන තර්ක ඉදිරිපත් කරන අය අමතක කරන වැදගත්ම කාරණය. ලංකාව යනු ඉතා කුඩා දුපතකි යන්න. මේ පුංචි රට මහා මෙරක් තරම් කරගෙන දඟලන්න දෙයක් නැහැ.  මේ ලෝකේ අන්තර්ජාලය මගින් ගනුදෙනු කරන කාලේ.  ඉස්සර පරෙයියන් මේල් ගෙනියන අශ්වයෝ පිටේ ගමන් යන කාලේ පවා ලංකාව එක රටක් විදියට පාලනය කරන්න  අවශ්‍ය වුනේ පළාත් තුනකට කඩාගැනීම විතරයි. මේ පළාත් තුන තමයි අපි කවුරුත් දන්නා  රුහුණ, රජරට සහ මලය රට කියන පළාත් තුන. මගේ අදහස නම් මේ යුගයේ ඇති තාක්ෂණික දියුණුව නිසා දැන් මේ කුඩා රටේ ප්‍රශ්න කළමනාකරණය කරගැනීමට  නම් පළාත් තුනකට වත් බෙදන්න ඕනෑ නැති බවයි.

 බලය විමධ්‍යගත විය යුතුය කියා කියන අය මෙය පුන පුනා  කියන්නේ කළමනාකරණය කරගැනීම පිලිබඳ ගැටලුව නිසාම නොවේ මෙහි නොකියනා දෙය නම් දෙමල දේශපාලන ගැටලුවයි. මෙය අපි පැහැදිලිව වෙන් කරගත යුතුය. මෙය කවුරුත් කතා කරන්නට අකමැති තැනයි  ලංකාවේ දෙමල මිනිසුන්ට වෙනම රටක් ඕනැ කියල විස්වාස කරන මිනිසුන් සංවිධානය කරලා  කොටි   ත්‍රස්‌තවාදී කැරැල්ලක් ගහනවා මේ කැරැල්ලට හේතුව බලය විමධ්‍යගත වෙලා  රටේ කළමනාකරණය හරියට සිදු නොවීම කියන එක කියල මම හිතන්නේ නැහැ.  මේක කළමනාකරණ ගැටළුවක් නොවෙයි දේශපාලන ගැටළුවක් ඒ ගැටලුව රට ඇතුලේ එක්තරා ලෙසකින්  විසඳුනේ නන්දිකඩාල් වලදී කැරැල්ල මැඩ පැවැත්වීම සමගයි. වෙනම රටක් ඉල්ලන අයට පළාත් සභා වැඩක් නැහැ.රටින් එළියේ ඉඳන්  තාමත් වෙනම රටක් ඕනෑ කියන අයට ලෝකය ඉදිරිපිට මතවාදීව මුහුණ දෙන්නේ කොහොමද කියන එක අපිට මුණ දෙන්න තියන වෙනම ගැටළුවක්.

 අපි බලය විමධ්‍යගත කරගත යුත්තේ දෙමල දේශපාලන ප්‍රශ්නයට විසඳුමක් ලෙස නොව රටේ නිෂ්පාදන සහ  වෙළඳපොල පදනම් කරගෙන වෙළඳ ගනුදෙනු පහසුවෙන් සහ සාධාරණව ඉටුකර ගැනීම සඳහා හැම පුරවැසියාටම ඇති අයිතිය තහවුරු කරදීම සඳහාය. මෙයට ජාතිබේද අදාල නැත.  මේ සඳහා මුලිකවම  ගත යුතු ප්‍රධාන පියවරක් නම්  පළාත් සභාව නම් පිළිලය රටින් ඉවත් කර දැමීමයි.

Monday, March 18, 2013

නව A6 අධිවේගී මාර්ගය - රැඩිකල් වෙනසකට යෝජනා -1

මගේ සහෘද බ්ලොග් කරු මාතලන් මේ දිනවල ගරිල්ලා මාකටින්  නමින් ලිපි පෙළක් ලියයි.  රැඩිකල් වෙනසකට යෝජනා  නමින් ලකාවේ දේශපාලන දැක්මට මගේ යෝජනා අඩංගු ලිපිපෙළ  මම ලියන්නේ ඊට සමගාමීවය . රැඩිකල් වෙනසක් යන වචනය එක්සත් ජාතික පක්ෂය මෑතකදී හඳුන්වා දුන් එකක් වුවද මගේ මේ යෝජනා එම පක්ෂයේ  රැඩිකල් වෙනස තේමාව සමග කිසි සම්බන්ධයක් නැත.  ලකාවට රැඩිකල් වෙනසක්  අවශ්‍ය බව මමද විශ්වාස කරමි. මේවා කරන්නේ මහින්දද රනිල්ද ගෝඨාභයද බැසිල්ද කියා මට ගැටළුවක් නැත. යෝජනා ගැන අපි බුද්ධිමත් ලෙස මෙහි  සංවාද කරමු.   මගේ මේ මුල්  යෝජනාව තනි හුදකලා සංවර්ධන යටිතල පහසුකමක් ලෙස බැලූ බැල්මට පෙනුනද  සමහර මගේ ඉදිරි දේශපාලන  යෝජනා වලට අදාල මුතු ඇටයකි   පසුව නුලක් දමා එක හුයකින් මේවා යා කල හැකි වනු ඇත. මගේ යෝජනා මම කරන්නේ රටට ගැලපුනත් නැතත් මගේ ගම පැත්ත සංවර්ධනය කරන්න ඕනෑ යන පටු අරමුණින් නොව පැහැදිලි දේශපාලන ආර්ථික අරමුණකින්ය.

ලංකාවේ පහත මාර්ග සිතියම බලන්න

(සිතියම උපුටා ගත්තේ www.mapsofworld.com  වෙබ්  අඩවියෙනි  )

දැන් කොළඹ සහ ත්‍රිකුණාමලය යාවි ඇති A6 මාර්ගය වෙත ඔබේ අවධානය යොමු කරන්න . හරියටම අඩිරූලක් තියා ඇන්දාක් මෙන් හරි කෙලින් සරල රේඛාවක් මෙන්   A6 මහා මාර්ගය  කුරුණෑගල, සිගිරිය හරහා යමින්  දැනටමත්කොළඹ සහ ත්‍රිකුණාමලය යාවෙමින්  ඇත.
මෙම මහා  මාර්ගය ලංකාවේ ප්‍රධානතම අධිවේගී මාර්ගය ලෙස සංවර්ධනය කලයුතු බව මම යෝජනා කරමි. මෙය අහඹු තෝරා ගැනීමක් නොවේ ඉදිරියේදී යෝජනා කරන අනිකුත් යෝජනා වලට මෙය සම්බන්ධය.
මෙය අදියර තුනකින් නිම කල හැක.

1. කොළඹ සිට කුරුණෑගල දක්වා - Kurunagala Turnpike
2. කුරුණෑගල  සිට සිගිරිය දක්වා  - Sigiriya Turnpike
3. සිගිරිය සිට ත්‍රිකුණාමලය දක්වා  - Trinco Turnpike

.  සිහින දැකීමට මට ඇති ශුද්ධවූ අයිතිය භාවිතා කරමින් මේවා ලිව්වට කවුරුවත් හිත  අමනාපකර ගන්න එපා. මෙම යෝජනාව පිලිබඳ  පාඨකයාගේ අදහස් අගය කොට  සලකමි එමෙන්ම ඇනෝනිමස්  ප්‍රතිචාරද අගයකොට සලකමි.

Wednesday, March 6, 2013

ලසිත් මාලිංග භය නැතිව මුන්ට මැද ඇඟිල්ල උස්සපන්

 සිංහලෙන්   journalist යන ඉංග්‍රීසි වචනයට තේරුම ඉස්සර නම්   පුවත්පත් කලාකරු යන්නයි. දැන් මෙයට ගුවන් විදුලිය රුපවාහිනී වැනි මාධ්‍ය එකතු වී ඇති නිසා දැන් ඕනෑ නම් මාධ්‍යකරු  ලෙස කිව හැක.  මෙය රැකියාවකි  මාළු කාරයා  ,කරත්ත කාරයා ,පාන් කාරයා පත්තර බෙදන පත්තරකාරයා පවා කරන්නේ මේ වැනිම රැකියාවකි. හැබැයි ලංකාවේ දී සමහර රැකියා වල යෙදෙන අය අනෙකුත් සමහර රැකියා වලට වඩා මාර උසස් අපි වන්දනා මාන කලයුතු අමුතුම පිරිසක් බව සමාජය සිතයි. ලංකාවේදී මාධ්‍යකරුවන් නිකම්ම නිකම් අය නොව අපි පිදිය යුත්තන්ය මේ අය හඳුන්වන්නේ මාධ්‍යවේදීන් කියාය. විද්යාඤයින් පිරිසක්ය. ලංකාවේ හැම දෙයක්ම ඔහොමය දොස්තරලා නැත ඉන්නේ වෛද්‍යවේදීන් ය  අපි වැනි නිකම්ම නිකම් පාන්කාරයෙක්  වැනි කෙනෙක් ඉස්පිරිතාලෙට ගිය විට  ඕනෑම පාර්ට් එකක් දැමීමට මේ ඉහල රැකියා කරන අයට පුළුවන්ය. හැබැයි කිසිකෙනෙක්ට මේ ඉහල පිදියයුතු  රැකියා තියන අයට පාට් දැමිය නොහැක.ලංකාවේ කළා කරුවන් නැත ඉන්නේ කලාවේදීන්ය  මේ අයට අපි පිදිය යුතුය. කැමරා මයික් උස්සන් පුවත් වාර්තා කිරීමට යන reporter පවා මාධ්‍යවේදී( මාද්‍යවිද්යාඤ) මාර පොරවල් පිරිසක්ය මේ අයට අපි මාර විදියට ගරු කල යුතුය. අහන ඕනෑ ප්‍රශ්නයකට සීරුවෙන් සිටගෙන පිළිතුරු දිය යුතුය. නැත්නම් රටපුරා මාධ්‍ය මගින් පෙන්වා කුජිත කර දමනු ඇත.
පසුගියදා මේ දෙවිවරු වන් වරප්‍රසාද ලත් රස්සා කරන අයට මාලිංග වැනි ගමග කුජිත බාබර් රස්සාවක් කර කර ඉඳ පසුව ක්‍රිකට් ගහන්න ආ පොරක් හිත රිදෙන සේ කතා කර ඇත.  මෙය හෙන ගහන අපරාධයකි. ක්‍රිකට්කාරයන්ට  මාධ්‍යවේදීන්ට මෙහෙම පාට් දැමිය නොහැක ගමේ බාබර් කෙනෙක් වී ඉඳ පසුව පොරක් වූ පොරකට කොහොමවත් නොහැක.  ගමේ පොල් කඩන පොරක් වී සිටි නිසා කොතරම් සල්ලි  තිබුනද අනෙක් අයට පාර්ට් දැමිය නොහැක. ලංකාවේ ලොක්කන්ට පොඩ්ඩන්ට පාට් දැමිය හැක නමුත් පොඩ්ඩන්ට ලොක්කන්ට  පාට් දැමිය නොහැක. මාලිංග මොන යෝකර් පන්දු  දැම්මත් ක්‍රීඩාවේදියෙක් යැයි හැඳින්වෙන්නේ නැත, ඌ  පැපරාසි මෙන් මයික් කැමරා උස්සන් පස්සෙන් එන දෙවිවරු වන් මාධ්‍යවේදීන් ට කතා කරන්නන්ට දන්නේ නැත. 

අපේ මහජනතාවද මාධ්‍ය-වේදීන් මෙන්ම මාර සංවර පිරිසක්ය මේ අය කවදාවත් කාටවත් පාට් දමන්නේ නැති අයයි  මාලිංග නම් ගස් ගෙඩි කඩමින් ඉඳ පසුව ක්‍රිකට් ගහන්නට ආ කොල්ලා අසංවර ලෙස   මාධ්‍ය-වේදී රිපෝටර් වහන්සේ කෙනෙක්ට කතා කිරීම නිසා ෆේස් බුක් සමාජ ජාලයේ සිටින දහසක් සංවර සීලයන් රකින අපේ ජහමනයාගේ සිතද හොඳටම රිදී ඇත, මේ දිනවල  ෆේස්බුක් පිටු පුරා ඇත්තේ මේ මාලිංග විරෝධයයි. මාලිංග නම් පුද්ගලයාට මාධ්‍යවේදීන්ට බනින්න බැරිය ජනතාව මාධ්‍යවේදීන් සමගය මාධ්‍යවේදීන් රජතුමා සමගය ඒ සෙල්ලම් ලංකාවේ නොහැක. මාධ්‍යයට ගරු කළ යුතුය. 


 ගරු කටයුතු මාධ්‍යවේදියාට  මාලිංහ කියා ඇති කුණුහරුප මෙසේය (කරුණාකර පොඩි අය බලන්න එපා හරිම අසභ්‍යයි)

1.  මොකක්ද..කන්ට්‍රැක්ට්.. අපි මේ පාටියක් තිබ්බ ඒකට පොඩ්ඩක් ආවා.
 මොකක්ද?..ඒ මං මේ පොඩි ෆන්ක්ෂන් එකකට ආවෙ..කන්ට්‍රැක්ට් එකකට ආපු කට්ටියගෙන් අහගන්න ඉන් පසු ඔරවමින් වාහනයේ නැගී පිටව යයි.
(මේ එරවිල්ල ඉතා අසභ්‍ය සහ අසංවරය)

2. ඇයි මීට කලින් මාව දැකල නැද්ද? වැඩක් බලාගෙන යනව මනුස්සයො(මෙතැන මනුස්සයෝ කියන්නේ අසභ්‍ය ස්වරයකින්ය) යන්න.ඉන්පසු  ඔහු වාහනයේ දොර හයියෙන් වසා දමයි.
(මේ දොර වැසීමේ ශබ්ධයෙන් අතිගරු මාධයවේදියා ගේ කන් අඩි පුපුරා ගොස් ඇත,)

මෙවැනි වැඩ ලංකාවේ හීනෙකින්වත්  වෙන වැඩ නොවේ මෙවැනි හැසිරීමකට රජකාලේ දඬුවම් දිය යුතුය. මාලිංග හැසිරීම ඉගෙන ගත යුතුය මෙය ලංකාවේ ඉතා පහසු දෙයකි උත්තරීතර පාර්ලිමේන්තුවට දවසක් ගියානම් මාලිංග වැනි අසංවර පොරකට සංවරව කතා කරන හැටි ඉගෙනගත හැක. අර අචාර්ය මර්වින් සිල්වා ඇමතිතුමා පවා දැන් ආපසු ඇවිත් ඉන්නේ එයාගෙන් පවා පැපරාසි පොරකට උනත් සංවරව කතාකරන්නේ කොහොමද  කියල ඉගෙන ගන්න පුළුවන්.

දිවි නොතකා අප වෙනුවෙන් සුදු වෑන් වලට නොබියව මහුණ දී  දිවි පරදුවට තබා පැත්තක් ගියත් ඇත්ත කියන කිසිදා රජෙක්ටවත් කඩේ නොයන බැවින්   මාධ්‍යවේදීන්ට අපි මිට වඩා ගෞරව කල යුතුය. අපේ ජනතාව මාධ්‍යවේදීන්ගේ අනන්‍යතාවය තුල ක්ෂණිකව තමන්වත්  ස්ථානගත කරගෙන මාලිංගට ඇස්ටි හැලෙන්න දුන්නේ මේ නිසා විය යුතුය.
මාලිංග උද්ධච්ච මනුස්සයෙක් විය හැක මට එය අදාළ නැත එය මාලිංගගේ කැමැත්තයි මාලිංග උද්දච් වීම නිසා හිත රිදවාගැනීමට තරම් මම නම් බබෙක් නොවේ,  නමුත් අපේ බුද්ධිමත් රහසින්වත් පව් නොකරන තැන්පත් විහිලු නොකරන කේන්ති නොයන පරුස වචන නොකියන අහිංසක ජනතාවට රිදී ඇත.   

Sunday, February 24, 2013

ආර්ථික ඝාතකයෝ කවුද? පී බි ද?විමල්ද?අපිද?



බැංකු තුනක් වැටෙනවා.....ලූ ආන්ඩුවේ...
පා කරනට ගොස් අහසේ.... අභිමානේ...
මරං කන්න යයි ලේඛම් බන්ඩා.... පුංචී....
ඇමතිහොරුයි ඝාතකයෝ ආර්ථිකේ...!!!


//ඇමතිහොරුයි ඝාතකයෝ ආර්ථිකේ...!!!//
මාතලන්  බ්ලොග්කරු  මෙහෙම කිව්වට  මම හිතන්නේ මෙහෙම කියල අපිට ඇඟ බේරගන්න අමාරුයි එතකොට මේ හොරු අපේ නායකයෝ කරලා පාර්ලිමේන්තු යවල ඇමතිවරු කරගන්න අපි ජනතාව බබාලද?
මේ ඉහත කවියට මාතලන්  පුංචි බණ්ඩා ජයසුන්දර සම්බන්ද කරපු හින්දා මිනිහ කියපු  උත්ත්රයකින්ම  මම කියන්නම්.
මම ඇමරිකාවට ඇවිත් අවුරුදු 12 ක් දැනට මේක ඊට කලින් සිදු වුන දෙයක් චන්ද්‍රිකාගේ කාලේ අවුරුදු 14ක් 15කට පෙර.
බෙන්තොට පැත්තේ ඒ කාලේ අලුතින් හදපු ටාජ් එක්ස්සෝටිකා හෝටලයේ ලෝක බැංකුව හරි අයි එම එෆ් එක හරි සංවිධානය කරපු වැඩ මුළුවක අචාර්ය පී බි ජයසුන්දර දේශනයක් කළා. මේ දේශනයට සවන්දෙන්න මටත් අවස්ථාව ලැබුන. දැන් ගැටුම ඇතිකරගෙන දෙකට බෙදිලා  පෙරටුගාමී පක්ෂය ලෙස  ඉන්න  ඒ කාලේ ලංකාවේ තිබුන  X-කණ්ඩායම නම් සංවිධානය ප්‍රකාශයට පත් කරපු "ලන්ඩන්" සඟරාවේ මුල් කලාපයේ දීප්ති කුමාර ගුණරත්න ලියපු  "වී වෙනුවට රෝස " කියන දේශපාලන ලිපියට මුල්  උනෙත් එම දේශනයේදී අචාර්ය පී බි ජයසුන්දර දැක්වූ අදහසක්ම තමයි.
 අචාර්ය පී බි ජයසුන්දරගේ මේ දේශනයෙන් පස්සේ මට ආපු ගැටළුවක් තමයි මෙතරම් දක්ෂ මෙතරම් දැනුමක් තියන මේ වගේ නැවුම් අදහස් තියන උගත් මිනිස්සු ඉන්න ලංකාව ඇයි එකතැන පල් වෙන්නේ. එත් කලාපයේ අවට සිංගප්පුරුව හරි තායිලන්තය පවා ඇයි අපි පහු කරගෙන යන්නේ කියන එක. ඇයි ලංකාවේ දක්ෂ නිලධාරීන් ඉදිද්දී   මේ මිනිස්සුන්ගෙ අදහස් ක්‍රියාත්මක කරන්නේ  නැත්තේ කියන එක තමයි මගේ ගැටලුව උනේ.
 ඇයි නිලධාරීන් දේශනා වල මේවා කියල මිට හාත්පසින්ම වෙනත් දේවල් අමාත්යංශය ඇතුලෙදි කරන්නේ කියන එක මගේ ගැටලුව උනේ.
පස්සේ කාලෙක වෙන  අවස්ථාවක  මට පී බී ගේ පිළිතුර ලැබුනා.ඒ වචනම නොවූවත් ඒක මෙන්න මේ වගේ අදහසක්.
"අපි රජයේ නිලධාරීන්. අපි බැඳිලා ඉන්නේ අපි පුද්ගලිකව විශ්වාස කරන ආර්ථික ක්‍රම රටේ ක්‍රියාත්මක කරන්න නොවෙයි. අපි රජයේ නිලධාරියෙක් හැටියට බැඳිලා ඉන්නේ රටේ ජනතාවගේ පරමාධිපත්‍ය ක්‍රියාත්මක කරන්න. මම මුදල් අමාත්යංශයේ ලේකම් ලෙස පත් කරන්නේ මුදල් ඇමති තුමා. මුදල් ඇමතිතුමා පත් කරන්නේ ජනාධිපති. ජනාධිපති පත් කරන්නේ රටේ ජනතාව. අපිට රජයේ නිලධාරීන් විදියට  බැහැ ජනතාව අපිට කරන්න පවරලා තියන  දෙයින් පිටත දේවල් ඒ කියන්නේ මුදල් ලේකම්වරයා නම් සිවිල් තනතුරට බැහැ පී බී ජයසුන්දර නම් පුද්ගලයා   පුද්ගලිකව අසා කරන ආර්ථික ක්‍රම කොතරම් නිවැරිදි උනත් රටේ  ක්‍රියාත්මක කරන්න. භාණ්ඩාගාර ලේකම් නම් තනතුරේ වගකීම තමයි පවත්නා ආණ්ඩුව පිළිගන්න ආර්ථික ක්‍රමය කාර්යක්ෂම ලෙස ක්‍රියාත්මක කරලා අයවැය සහ මුදල් කළමනාකරණය කරලා දෙන එක. "

දැන් වැටහෙන්න ඕනෑ  රටක් ක්‍රියාත්මක කරන්නේ කුමන ආර්ථික ක්‍රමයද ඒක මොනවගේ ආර්ථික ප්‍රතිපත්ති මත පදනම් වෙනවද කියන එක තීරණය කරන්නේ රජයේ නිලධාරීන් නොවෙයි රටේ ජනාධිපති සහ මුදල් ඇමති. ජනාධිපති පත් කරන්නේ අපි තුමා ල සර්වජන චංදෙන්.
මහජන චන්දයෙන් පත්වන  ජනාධිපති තුමා  චන්ද අපේක්ෂකයෙකු ලෙස තමන් ක්‍රියාත්මක කරන්නේ මෙන්න මේ ආර්ථික ක්‍රමයයැයි ජනතාවට මැතිවරණ ප්‍රකාශනයක් ඉදිරිපත් කරනවා, දැන් පවත්නා රජයේ නම් "මහින්ද චින්තනය"  නම් ප්‍රතිපත්ති ප්‍රකාශනය විය යුතුය. අනෙකුත් පක්ෂ සියල්ලම ජනාධිපතිවරණයට  ඉදිරිපත්වෙද්දී  තමන් කරන්නේ මේකයි කියල කියනවා.

විමල් විරවංශ යනු පවත්නා රජයේ කවුද? මට මතක හැටියට ගෙවල් හදන ඇමති නේද?  දැන් මේ තෙල් මිල වැඩි කරපු අනුර ප්‍රියදර්ශන යාපා තෙල් ඇමති නේද? මේ අය පත් කලේත් ජනතාව. දැන් මේ අය ජනාධිපති තුමා තමන්ගේ රජයේ අමාත්යංශ භාර දෙනවා. අමතක කරන්න එපා ජනාධිපතිතුමා පත් කලෙත් අපි. දැන් විමල් චන්දේ දිනන්නේ විමල්ල වගේ මිනිස්සු ලව්වා අපිට ආණ්ඩුව ගානේ නොමිලේ ගෙවල් බිල්ඩින් ගහ ගන්න ආර්ථික  ප්‍රතිපත්තිය ක්‍රියාත්මක කරගන්න නේද? ඉතින් මේවා කරන්න  ආණ්ඩුවට සල්ලි ඕනෑ.  ආණ්ඩුවට තමන්ගේම කියල මුදල්  නෑ. මේක අපි හැමෝම දන්න සරල කාරණයක් නේ . ආණ්ඩුව මුදල් හොයාගන්නේ අපෙන්ම අරගෙන  බදු මුදල් ලෙස තමයි.
ඉතින් අපිතුමාල ජනතාව හැටියට දැනගන්න ඕනෑ රජය ලව්වා ගෙවල් හදවගන්න ගියාම ඇමතිතුමාගේ ගෝලයින්ට ඉඳල තෙල් ගහන්න කන්න බොන්න බඩු ගහන්න පිටරට යන්න සල්ලි අපිම දෙන්න ඕනෑ කියන එක.  තෙල් මිල වැඩිකරගෙන හරි තෙල්  ඇමතිලා නඩත්තු කරන්න අපි කැමැත්තෙන්ම භාර අරගෙනයි තියෙන්නේ.
අපේ රටේ රජයේ වියදම් පියවගන්න අපේ රටේ බදු සල්ලිත් මදි. ලංකාව දුවන්නේ පිට රටවලින් නය අරගෙන. අය වැය හිගය කියන්නේ මොකද්ද කියන එක දන්නේ නැත්තේ අපි ජනතාව බබාලද?

විමල් වීරවංශට සිය අමාත්‍යාශයේ නිවාස ව්‍යාපෘති ක්‍රියාත්මක කරන්න ඇතිවෙන්න දෙන්න ඉඳා ගෙවල් හදල ඉතිරි ඒවායින් විස්කි බීපල්ලා කියල දෙන්න  සල්ලි භාණ්ඩාගාරයේ නැත්තේ ඇයි.
උත්තරය සරලයි. අපි ජනතාව රටේ ක්‍රියාත්මක කිරීමට තෝරා ගත් මුග්ධ ආර්ථික ප්‍රතිපත්තිය රට ඉදිරියට ගෙනියන්නේ නැත. අපි රටේ බදු වැඩිකරන තෙල් මිල වැඩි වැඩි කරන්නට අනිවාර්යයෙන් සිදුවන මුග්ධ  ආර්ථික ක්‍රම  යෝජනා කරන  දේශපාලකයින් බලයට පත් කිරීමයි.  මෙතරම් අසාර්ථක ආර්ථික ප්‍රතිපත්ති පවා  ක්‍රියාත්මක කර රට මේ තරමින් හෝ දුවන්නේ  පී බි ජයසුන්දර වැනි දක්ෂ නිළධාරින් අපිට සිටින බැවිනි.
අචාර්ය පී බි ජයසුන්දර මේ රජයෙන් ඉවත් වී යනවා නම් පුද්ගලිකව  මම කැමතිය. මා දාන්නා තරමින් ලංකාවේ මේ තනතුර ඇදගෙන යා හැකි අනෙකුත් දක්ෂ ආර්ථික විද්යාඤයින් සියල්ල පාහේ පිටරට වල පදිංචියට ගොස්ය. ඉන්නා අයත් දැන් මේ මරාලයට කර ගහන්න කැමති වෙන්නේ නැත. එවිට වෙන්නේ මේ වගේ දෙයකි.
දැන් ඉන්නේ මේ අපේ බබා ජනතාවට ගැලපෙන ජනතාවගේ පැතුම මල් පල ගැන්වූ දේශපාලකයින් (චොප්පෙල ,රත්තරන්ලා ,කුඩ්ඩො ,ළු නිලියෝ ) අන්න ඒ වගේ  භාණ්ඩාගාරයේ ලේකම් තනතුරටත් උගත් මිනිස්සු ඕනෑ නෑ අර දඬුවම් මුදලාලි වගේ පොරක් දාගන්න එකයි තියෙන්නේ. එතකොට කිසි කරදරයක් නෑ නාමල් බේබි ආව ගෝලයෝ එක්ක සල්ලි ටිකක් භාණ්ඩාගාරෙන් පටවගෙන යනවා විමල් එනවා ආ දඩුවම් මචං ලේකම් කෝටි පහක් පටවපන් ඩිකියට. වැඩේ අප්සට් වන විට පවුලේ අය  රටේ  ණයට ගත් සල්ලි ටික සියල්ල ස්විස් බැංකු වලට පටවාගත් පසු  ඇමරිකාවට බසු බසිනු ඇත, ඉන්පසු මාස හයෙන් සියල්ලගේම පස්සපැත්ත නැතිවනු ඇත.
මේ චොප්පෙල රත්තරන්ලා කුඩ්ඩො නළු නිලියෝ වගේ අයට ලෝකේ අනික් රටවල් වල රටවල් මෙහෙයවන  බුද්ධිමත් නායකයෝ එක්ක තරඟ කරන්න රටක් මෙහෙයවන්න  භාර දෙන ජනතාවක් ඉන්න රටක ජනතාවගේ පස්ස පැත්ත නැතිවුන පසු මොලේ ඇති උගත්  මිනිසුන් ට රට මෙහෙයවන්නට භාර දී  මේ රට ආපසු මුල ඉඳන් පටන් ගත හැක .
මෙසේ ලියන්නට සිදුවීම ශිෂ්ඨ නොවන මුත් නොකියාම බැරිය. මාතලන්ගේ බ්ලොගය බැලීම නිසා මටත් දැන් මතලන්ගේ ස්ටයිල් එකට ලියවෙනවාය, පස්ස පැත්ත නැතිවන තෙක් අපේ ජනතාවට සිදුවෙමින් පවතින්නේ කුමක්දැයි වැටහෙන පාටක් නැත, ඉතින් ජනතාවගේ පුක නැතිවිය යුතුමය.මොලේ නැති ජනතාවක් සිටිනවාට වඩා පුක නැති ජනතාවක් සිටීම එක අතකින් රටකට හොඳය.

Thursday, February 21, 2013

ප්‍රභාකරන්ගේ බාල පුත් බාලචන්ද්‍රන් ගේ චායාරූපයට ලාංකිකයන් දැක්වූ ප්‍රතිචාර- Sri Lankans react to picture of Prabakaran’s son


 මේ ලිපිය හමුදාවේ  අත්අඩංගුවට ගත් පසු සහ මිය යාමට පෙර අතර කාලයේදී   ප්‍රරභාකරන්ගේ පුතා ගේ යැයි සැක කරන ,   හින්දු පුවත්පතට අනුව ලංකාවේ ජනමාධ්‍ය ස්‌වයං වාරණයට ලක්කර ඇති  කුප්‍රකට චායාරූපය ගැන නොව එම ව්‍යාජ හෝ ඇත්ත වියහැකි චයාරුපය පිලිබඳ ලාංකිකයා දැක්වූ ප්‍රතිචාර සම්බන්දයෙනි.
එසේ වුවද මේ චයාරුපය නිසා අපේ රාජ්‍ය නායකයන්ට විදුලි පුටුවට යන්න වෙනවා යැයි  සිතා
සිටින වැදගත් මහත්වරුන්ට ලිපියේ ප්‍රස්තුතයට එළඹෙන්නට පෙර නම් එකක් කිව යුතුය. මේ ළමා ඝාතනය ඇත්ත වුනත්  ලොක්කන්ට මොකුත් වන්නේ නැත. අන්තිමේදී  කොහේ හෝ සිටින දුප්පත් සොල්දාදුවෙක්ගේ කරපිටින් ගානක් දී හෝ මෙය ශේප් කර කරකවා යවාගන්න අපේ අය දනී.
මෙහිදී මා ලාංකික ජනතාව අතරින් නියැදිය ලෙස ගත්තේ පරිගණක සාක්ෂරතාවය හිමි  බුද්ධිමත් මිනිසුන්  මේ සම්බන්දයෙන් පළවූ ලිපි දෙකකට  ප්‍රතිචාර දැමු අයගේ   ප්‍රතිචාරයි  එම ලිපි දෙක මාරයා අඩවියේ සහ  w3lanka ලිපියයි.
මෙම කාරණයේදී බුවා, මාතලන් ,කතන්දර , පැරකුම් සහ මාද ඇතුළු තව මෙහි නම් නොකී  ඉතා සුළුතර බ්ලොග් කරුවන්  කිහිප දෙනෙකු (ඔවුන්ට මගේ අචාරය පුද කරමි) හැර  සියලු දෙනා මෙම කාරණයේ දී එනම්  අත්අඩංගුවට ගත් පසු  ළමා ඝාතනයක් සිදු වූවා නම් ළමයෙකු උනත්  ඔහු ප්‍රරභාකරන් නම් ත්‍රස්තවාදියාගේ පුත්‍රයා බැවින් අනාගත යුද්ධයක් වැලැක්වීම වෙනුවෙන් එසේ කිරීම යුක්ති සහගත ලෙස සලකන ලදී.  මේ ලිපියේ මා සලකා බලනු ලබන්නේ එම ලාංකික ජනප්‍රිය  මතය පිළිබඳවයි

එම  ජනප්‍රිය මතයේ අව්‍යාජ ප්‍රකාශකයා වූ මාරයාගේ හෝරාව ලියන බ්ලොග් කරු මුළු මහත් ලිපියක් ලියා කියූ දෙය අල්කෙමියා නමැති  බ්ලොග් සටහන ලියන ජනප්‍රිය උගත් ටයි පටි පළඳින  අපගේ බ්ලොග් මිතුරා මෙසේ සංක්ෂිප්ත කරන ලදී.
"වඳ පීදිච්ච කෙහෙල් ගහක් ගලවනකොට වටේ ඉන්න මොටෙයියොත් ගලවන්නෙ ඒවා ලොකු වුනත් හැදෙන ගස් වඳ පීදෙන නිසා..."
මෙම ප්‍රකාශය ඉහත සියලු  දෙනාගේ අදහස් කැටිකරගත්  අපූරු සම්පිණ්ඩනයකි. එබැවින් එය මම මෙතැනදී එම කණ්ඩායමේ සියලු දෙනාගේ  අදහස් නියෝජනය සඳහා භාවිතා කරමි.

චාල්ස් ඩාවින්ගේ පරිණාමවාදයට අනුව අපි හා සතුන් අතර යම් සම්බන්ධයක් ඇත සතුන් හා මිනිසුන් සංසන්දනය කරනු මා මිට පෙර දැක ඇත මිනිසුන් සතුන් හා වෙනස සහ සමානකම් මිනිසුන් අතර  ඇති සත්ව ගතිගුණ සාකච්චාවට බඳුන් වෙනු දැක ඇත. නමුත් ගස් එනම් ශාක කුලය සහ මිනිස් ගතිගුණ අතර සම්බන්ධයක් සොයා ගත් ලොව ප්‍රථම අවස්ථාව    මෙයයි. මෙය ලංකාවේ ඩාවින් මොහොත ලෙස මම නම් කරමි. ලකාවේ උගත් තරුණ රසායන විද්යාඤයෙකු ශාක සහ මිනිසුන් අතර අපූරු සම්බන්ධයක් සොයාගෙන ඇත.
කෙහෙල් ගස් වල ලාක්ෂණික ගතිගුණ   = මිනිසුන් ගේ  ලාක්ෂණික ගතිගුණ
"වඳ පීදිච්ච කෙහෙල් වලින් හැදෙන කෙහෙල් ගස් වඳ පීදෙන නිසා..මොටෙයියොත් ගලවයි."
"එබැවින්  ත්‍රස්‌තවාදීන්ට දාව ජන්ම ලැබූ ළමයින්ද ත්‍රස්තවාදින්ම වෙන නිසා ඝාතනය කල යුතුය "

අනේ මට මතක විදියට නම් මිනිස්සු ගස් වගේ නොවෙයි මනසක් කියල එකක්  තියනවා. ඉන්දියාවේ ඉස්සර කාලෙක හිටපු බුදු හාමුදුරුවෝ කියල කෙනෙක් කිව්වලු මිනිසෙක් ජන්මයෙන් නොවෙයි වසලයෙකු හෝ බ්‍රාහ්මණක් වෙන්නේ  කියල. අර ඒ බුදු හාමුදුරුවොම  කිව්ව උපතේදීම වෙන්වුන ගිරව් දෙන්නගේ කතාව කවුරුත් අහල ඇති නේද?
 මේ බුදු හාමුදුරුවෝ ඉපදුනේ ශාක්‍ය වංශයේ සුද්ද්දෝධන කියල රජෙක්ට දාව සිද්ධාර්ථ කියන නමින්.  උපතේදී මේ සිද්ධාර්ථ කුමාරයා ගැන අනාවැකියක් කියල තියනවා ඔහු ගිහි ගෙයි සිටියොත් සක්විති රජ වෙනවා ගිහිගෙය හැර ගියොත් බුදුවෙනවා කියල. සක්විති රජ  කියන්නේ ඔක්කොම රාජ්‍යයන් යටත් කරලා අල්ලාගෙන පාලනය කරන අධිරාජ්‍යයෙක්. දැන් ඒ කාලේ අපේ මේ ඉහත අයගේ දේශප්‍රේමී  චින්තනය වගේ එකක් තියන ජාතියක් අල්ලපු රාජ්‍යයක හිටියනම්  සිද්ධාර්ථ කුමාරය කවදාහරි  තමන්ගේ රටත් අල්ලාගෙන සක්විති රජවෙයි කියන බය නිසා එවෙලේම මරල දාන්න ඕනෑ නේද? මොකද ඉහත තියරියට අනුව සිද්ධාර්ථ  කුමාරය අනිවාර්යයෙන් තාත්ත වගේ රජ වෙනවා මිසක් බුදු වෙන්න ඉඩක් නැහැ  නේ.
සමාවෙන්න එක්කෙනෙක් කියල තිබුන මේ ප්‍රශ්නෙට ආගම ගාව ගන්න එපා කියල සොරි අමතක වුණා අපි බුදු වදන් අමතක කරලා  වෙන විදියකට මේක දිහා බලමු මේ සිංහල කියන එක පිටිපස්සෙන් නිතරම බෞද්ධ කියල යොදන හින්ද මං ගඟේ ගියාද මන්ද අදාළ නැති දෙයක් කතා කරලා, අපි නැවත විද්‍යාත්මක විදියට මාතෘකාවට එමුකෝ.
 ගස් සහ මිනිසුන් අතර වෙනස මනසක් තියන එකනේ කියල ඔයාල පිලිගන්නවා නේ දැන් අපි එතෙන්ට එමු. ශාක මිනිස්සුන්ට සමාන කරන්න මට අනුව බැරි නිසා  උද්භිත විද්‍ය්යාවෙන් සත්ව විද්‍යාවට එමුකෝ.
 සත්ව පරිනාමයේ  ඉහලින්ම ඉන්න මිනිසා නේ ඉතින් සත්තු ගැන වැඩක් නෑ මානව විද්‍යාවකට එන්න වෙනවා. මිනිස් මනස පිලිබඳ හදාරපු දොස්තර කෙනෙක් ඉස්සර  1856 ඉඳන් 1939 දක්වා ඔස්ට්‍රියාවේ හිටිය  සිග්මන්ඩ් ෆ්‍රොයිඩ් කියල. මනස කිව්වම මට මතක් වුනේ මෙයාව.
  සිග්මන්ඩ් ෆ්‍රොයිඩ් එයාගේ පසුකාලීන හැදෑරීම වලදී  1920 ගණන් වලදී මිනිස් චෛයිතිසිකය පහත පරිදි කොටස් තුනකට බෙදනවා. 

1.ඉඩ්- Id (ජර්මන් භාෂාවෙන් das Es,)
2. අහම -ego
3. උපරි අහම - super-ego

මේ අංක එක ඉඩ්-Id  කියන්නේ  අපේ මනසේ තියන අව්‍යාජතම කොටස මේක ක්‍රියාත්මක වෙන්නේ අපේ ප්‍රාථමික නොසිතා කරන සත්ත්ව ආශාවන් අවශ්‍යතාවයන් එක්ක  උදාහරණයකින් කියනවා නම් බඩගිනි උනාම කන්න, කන්න කියල අපිට කියන කොටස   නැත්නම් ලිංගය ප්‍රාණවත් උනාම සෙක්ස් කරන්න ,සෙක්ස් කරන්න කියන  මේ දැන් තියන ප්‍රාථමික ආශාව මගින් හැඩ ගැසෙන කොටස. තමාගේ පැවැත්ම තහවුරු කරගැනීම සඳහා ජීවයට තියන අනිච්චානුග එලවුම.

මේ අංක දෙක අහම-ego  කියන්නේ . ඔබ ඔබ  තමන්  කියල හදුන්වන "මම" කියන පුද්ගලයා ඔබ  myself ගැන රචනයක්  ලියනකොට ලියන්නේ මේ අහම-ego  ගැන තමයි. ඉහත උදාහරණයම ගත්තොත් මට බඩගිනියි කියල ඔබ කියන කොට  මම කියන්නේ . මම ඔයාට ආදරෙයි තැන "මම". මේක අර ඉඩ් එක වගේ අව්‍යාජ නැහැ. ඔබ ඔබ ගැන කරන ප්‍රබන්ධය ට තමයි ඔබ   "මම". කියන්නේ මම බොරු කියන්නේ නැහැ කියල ඔබ කියනවා. ඒ ඔබ තමන් ගැන සිතන්න සහ කියන්න  කැමති විදිය නමුත් ඔබ සමහර විට බොරුවක් කියනවා.

 ඊළඟට උපරි අහම - super-ego  කියන්නේ අපේ චෛයිතිසිකයේ තියන සදාචාරය නැත්නම් ආගම , ශිලය, හරි නැත්නම්  නිතිය අචාර ධර්ම මගින් හැඩ ගස්සන කොටස ඉහත උදාහරණයම ගත්තොත් ඉහත අංක 1  ඉඩ් එකෙන් අපිට බඩගිනියි කාපං කියනකොට  උපරි අහම තමයි ඒ ප්‍රාථමික ආශාව යටපත් කරන්නේ ඒක අපේ   ඊගොව ට කියනවා මෙතන පාරේ කන්න එපා ගෙදර ගිහින් කන්න. බඩගිනි උනාම අපි  තිරිසන් සතෙක් වගේ සතෙක් මරාගෙන කන්නේ නෑ ආගම කියන උපරි අහම කියනවා මරණ එක පව්. ඉඩ් එකෙන්  ලිංගික ආශාවක් ඇති වුනාම නිතිය සදාචාරය නම් උපරි අහම කියනවා මේ උඹට ස්ත්‍රිය සතෙක් වගේ දුෂණය කරන්න බෑ කෙනෙක් හොයාගෙන විවාහ වෙන්න. එනම්  මනසේ සදාචාරය කොටස අපේ සත්ත්ව ඉඩ් එක යටපත් කරනවා  උඹට පිස්සුද ඒ බාප්පාගේ දුව ඒක වැරදි  වැඩක් නෑදෑයොත් එක්ක සත්තු වගේ සෙක්ස් කරන්න බෑ. දැන් තේරෙන්න ඕනෑ මේ උපරි අහම .super-ego  එක කියන්නේ සම්මුති සත්‍යය නිතිය  මත පදනම් වුන දෙයක්.

සිග්මන්ඩ් ෆ්‍රොයිඩ් මේ ඉඩ් එක සහ උපරි අහම අතර සම්බන්දය ඒ කාලේ අශ්වයා සහ රථාචාර්යයා ට සමාන කරනවා ඉඩ් නමැති අශ්වයා ගමනට ජවය සපයනවා  රථාචාර්යයා තමයි නිවැරිදි මාර්ගයේ ගමන මෙහෙයවන්නේ. අපගේ හැල්මේ දුවන සත්ත්ව ආශාව(Id  )   යම් ශිෂ්ඨ නීතියකට තහනමකට මග පෙන්වීමක ටsuper-ego මගින් යටත් කරලා  ඊගෝ එක හැඩගැස්වල "මම" නිරෝගී මනසක් ඇති සමබර මනසක් ඇති සිවිල් මිනිසෙක් කරනවා.
දැන් ඔබට වැටහෙන්න ඕනෑ තිරිසන් සතුන් හා මනසක් ඇති මිනිසා අතර වෙනස. මම ඔබට යෝජනා කරනවා බලන්න කියල 2012 දී තිරගත වුන Life of Pi කියන චිත්රපටිය හරි පොත හරි. මේකේ තිරිසන් සතාව ලස්සනට තේරුම් ගන්න පුළුවන් දර්ශනයක් තියනවා සතෙක්ට අහම -ego හරි  උපරි අහම - super-ego නැහැ අමු රියල් අව්‍යාජ  Id ඉඩ්  එකෙන් විතරයි තිරිසන් සත්තු වැඩ කරන්නේ බඩගිනි උණානම් මරාගෙන කෑවා.
දැන් මේ මනසේ තට්ටු තුන සමාජය මත ප්‍රක්ෂේපනය වන අයුරු අපිට වෙන විදියකට පෙන්වන්නත්  පුළුවන් ඒ තමයි
1. යථාව real
2. යථාර්තය reality
3. නිතිය /ආගම /අචාර ධර්ම Law and order/religion /ethics
දැන් එහෙම කිව්වම අපැහැදිලියි වගේ නේද . ඒක නිසා මේකටත් අර ෆ්‍රොයිඩ් ගේ එකට දාපු උදාහරණම දාල සමාජයේ ක්‍රියාත්මක වන අයුරු බලමු
ඔන්න ඔබ පාරේ යනකොට  බඩගින්නක් එනවා මේක සතෙක් විදියට අපිට එන ඉඩ් එකක් ප්‍රාථමික අවශ්‍යතාවයක් මේක real යථක්. බඩගින්න අව්‍යාජයි. ඔබ දකිනවා කඩේක  ඇතුලේ කේක් කෑල්ලක් තියනවා.  ඔබට සතෙක් නම් ගියා කේක් කෑල්ල  කෑවා. අපිට එහෙම බැහැ  නිතිය නම් සුපිරි අහමට අපි යටත් ඉතින් අපි ගිහිල්ල මුදල් ගෙවා කේක් කෑල්ල මිලදී ගන්න ඕනෑ අපිට මුදල් නැත්නම් කොච්චර බඩගිනි තිබුනත් මේක මිලදී ගන්න බැහැ මේක තමයි අපි මුහුණදෙන යතාර්ථය reality එක.
  ඔන්න   ඔබ පාරේ යනකොට  කොට ඔබට ඔබගේ මිතුරෙක්ගේ ලස්සන හොට් ගැහැණු ළමය  තනියම හමු වෙනවා   ඔබට ඇය ගැන හැඟීමක් sex පහල මේක සත්ත්ව අවශ්‍යතාවයක් ඉඩ් එකක් Sex කියන්නේ real යථාවක්. යාළුවගේ කෙල්ල ගැන හැඟීම් ඇතිවීම අචාර්ධර්මිකව වැරදියි තමයි නමුත් මේක තමයි අව්‍යාජ අවශ්‍යතාවය ඔබ මොකද කරන්නේ ඕනෑ දෙයක් වෙන්න කියල මේ අව්‍යාජ හැඟීම ඇයට කියනවද?   නැහැ නිතිය /ආගම /අචාර ධර් නම් සුපිරි අහමට අපි යටත් ඉතින් මනසේ ඒ කොටස මගින් ක්ෂණයකින් අපිටත් නොදැනීම ඒ සත්ත්ව කොටස යටත් කරලා මරල දානවා. එකයි අපි  මනසක් තියන  අපි මේ උපරි අහමෙන් කොන්ට්‍රෝල් කරාට පස්සේ අහමට තියෙන්නේ   ලිංගිකත්වය(Sexuality) විතරයි.Sex  කියන සත්ත්ව හැඟීමට එතන ඉඩක් නැහැ. ශිෂ්ට මිනිස්සු තමන්ගේ බිරිඳ හෝ පෙම්වතිය සමග පමණයි යථාර්ථයේ එකතු වෙන්නේ.තේරෙනවද සත්තු කරන්නේ අමු රියල්  SEX  නමුත් උපරි අහම සහිත ශිෂ්ට මිනිස්සු ගාව තියෙන්නේ  ලිංගිකත්වය(Sexuality) ඒක තමයි මිනිස් යතාර්ථය reality එක.
දැන් පැහැදිලිද මේ මිනිස් යතාර්ථය reality එක කියන්නේ ඇත්ත අව්‍යාජ අපි නොවෙයි තමයි ප්‍රබන්ධයක් පමණයි .අපේ යට සැඟවුන අශ්ශීල Real තිරිසනෙක් ඉන්න්නවා නමුත්  යතාර්ථයේ "මම" කියන්නේ නිතිය /ආගම /අචාර ධර්ම වලින් ශික්ෂණය කරන කරන ලද ශක්තිමත් වෙස් මුහුණක් පැළඳි කෙනෙක්. අපි ශිෂ්ඨ මිනිසෙක් වෙනවා කියන්නේ  අර අමු රියල් (Id ඉඩ්)අව්‍යාජ  සත්ත්වයා ගේ අමු ආශාව  වෙනුවට මෙන්න මේ සම්මුති සත්‍යයන් එනම් නීති රීති ,ආගමික ශිලයන්, අචාර ධර්ම වලින් තැනිල තියන යථාර්ථයේ  වෙස් මුහුණ දා ගන්න එකටයි.
යතාර්ථය අව්‍යාජ නැත භාෂාව හරහා සම්මුතියෙන් ඇතිකරගත් ප්‍රබන්ධයක් පමණක්  නමුත් අපි සතුන්ගෙන් වෙන්කරන මනසක් ඇති මිනිසුන් බවට පත් කරන කරන  මුලික වෙනසම වන්නේ මෙයයි.
දැන් ඔයාලට හිතෙනවා ඇති  මේ මොනවද කියන්නේ කොහෙද යන්නේ මල්ලේ පොල් වගේ නේ කියල. හොඳයි දැන් මෙන්න මේ මනස ගැන සහ සමබර නිරෝගී මනසක් ඇති මිනිසුන් සිටින ශිෂ්ට සමාජය ගැන  අපි ඉගෙන ගත් දෙය මතකයේ තියාගෙන  අපේ මතෘකාව දිහාවට හැරෙමු.
   මතෘකාව  ප්‍රරභාකරන් නම් ත්‍රස්තවාදියාගේ බාල පුත්‍රයා අත්අඩංගුවට ගත් පසු ඝාතනය  වූවා නම් එය හරිද වැරදිද යන්නයි. මෙයට අපේ අය ඇත්තටම තමන්ගේ (Real )අව්‍යාජ තැනින්  ප්‍රතිචාරය දක්වා ඇත. වෙනත් විදියකින් කියනවා නම් අපි ළඟ නිතිය /ආගම /අචාර ධර්ම ලෝක සම්මුති වලින් යටපත් කරන ලද යතාර්ථය (reality)  නම් වෙස් මුහුණ නැත , ඇත්තේ  යථ  (Real ) පමණක් බව ආඩම්බරයෙන් කියා ඇත. මයියා නම් පුද්ගලයා මෙම අව්‍යාජ ප්‍රාථමික සිතුවිලි  ඒම අමු අමුවේ එලියට දැමීම   අවංක භාවය ලෙසද වරදවා වටහාගෙන තිබුනි.  කරුණාකර දැන් ඒ මාරයාගේ අඩවියේ ලිපියට ගොස් මා දැමු ප්‍රතිචාර නැවත කියවන්න. ත්‍රස්තවාදියාගේ පුතෙක් වුවත් නිරායුධව සිටින පොඩි ළමයි අපි ශිෂ්ඨ මිනිසුන් ලෙස  මරන්නේ නැතැයි යන්න   නිතිය /ආගම /අචාර ධර්ම ලෝක සම්මුති වලින් අපි එළඹී සිටින  එකඟතාවයකි.   මේකට අපි යටත් නැහැ අපි කරන්නේ අපිට ඕනෑ දේ යන්න කීමට ඔබට ඇති අයිතිය මම පිලිගනිමි. නමුත්   නිතිය /ආගම /අචාර ධර්ම ලෝක සම්මුති  වලට යටත් නැති ඒ හැඟීම ශිෂ්ඨ මිනිස් හැඟීමක් නොව  නිතිය /ආගම /අචාර ධර්ම ලෝක සම්මුති   වලට පෙර තම පැවැත්ම තහවුරු කරගැනීම පමණක් උදෙසාම තිබූ   ප්‍රාථමික සත්ත්ව හැඟීමක් ප්‍රමුක වීම පමණක් බව මතක් කරදීමට පමණක් කැමැත්තෙමි.
අපිට අපේ ජීවයේ ප්‍රාථමිකම තැනින් අපේ හුදු  පැවැත්ම උදෙසා අව්‍යාජ උවමනාවල් ඇතිවෙනවා තමයි මේක මට ඔබට අපි හැමෝටම තියනවා  නමුත් අපි මේ සිතට එන අශ්ශීල සිතුවිලි එලියට නොදා නිතිය /ආගම /අචාර ධර්ම ලෝක සම්මුති  වලින් යටපත් කරන්න හුරු පුරුදු කර ගත්තොත් මේ විදියට හතුරා ගේ හත් මුතු පරම්පරාවම හැඳි ගාල දාල ලබාගන්න තාවකාලික නිදහසට වඩා  සුරක්ෂිත නිදහසක්  අනාගත පරපුරට ලැබෙනු ඇත.  

Monday, February 18, 2013

හිජාබ් නිකාබ් බුර්කා (what ever it called ) ප්‍රංශයේ මෙන් ලංකාවේ තහනම් කරනු. - Ban Burqa in Sri lanka


මෙම ලිපිය මා විසින් 2010 දී කවුරුවත් මගේ බ්ලොග් අඩවිය නොබලන කාලයේ ලියුවකි අදටත් වැදගත් නිසා නැවත පල කරමි.

“හිජාබ් එහි අවශ්යතාවය කුමක්ද?" යනුවෙන් ලිපියක් දමා Muslim in Sinhala  නම්වූ බොලොග් කරුවා තමන්ගෙ ඔළුවේ වල්කම සංවර කර ගන්නවා වෙනුවට ස්ත්‍රී සිරුර රෙදි වලින් වැහීම මිනිසාට සංවරභාවය ලබාදීමට ප්‍රායෝගික වැඩ පිළිවෙලක්​ ලෙස අපිට යෝජනා කරයි. මෙහිදී ඔවුන් වරදවාගත් මූලිකම කාරණය වන්නේ වල්කම අසංවරභාවය යනු තමන්ගෙ අසංවර ඔළුවේ තමන්ගෙ මනස දියුනු නොවීම නිසා ඇතිවන්නක් නොව ස්ත්‍රී සිරුර දැකීම නිසා ස්වාභාවිකව හැම මිනිසාටම ඇතිවන්නක් ලෙස සිතීමයි. ස්ත්‍රී සිරුර දැකීම නිසා තැනක් නොතැනක් නැතිව මෝල් කෙලින් වෙන්නේ නොදියුනු මනස් ඈති අයට(සතුන්ට) මිස හැම මිනිසාටම නොවේ. උදාහරණයකට දියුනු මනසක් ඈති ​​වෛද්‍යවරයෙකු ප්‍රතිකාරයකදී ස්ත්‍රී රෝගියෙකුගේ රහස් ප්‍රදේශ දුටුවි ඔළුවේ වල්කම ඇති නොවේ. මෙලෙසම දියුනු සමාජයන්හි බහුතර මිනිසුන්ට නොදියුනු අරාබියේ (සතුන්ට වඩා කිට්ටු) නොදියුනු මනස් ඈති අයට මෙන් ස්ත්‍රී සිරුර යනු sex object එකක් නොවේ. "දුගඳ වූ මඩ වගුරක ගිලිහී සිටින ඌරෙකුට" මඩ වගු​රෙන් පිටත ලෝකයේ මඩ නැති "දියුනු මනස" වටහා ගත නොහැක.ස්ත්‍රී සිරුර දෙස වල්කම නොමැතිව බැලිය හැකි දියුනු මනසක් ඈති පිරිමි හදනවා වෙනුවට මුන් ස්ත්‍රී සිරුර රෙදි වලින් වැහීමට 2013 ජීවත්වන අපිට යෝජනා කරයි. ලාංකිකයිනි තොපි මුන්ට අපිවත් උන් සිටින මඩ වගුරට ඇද ගන්නට ඉඩ දෙනවාද නැත්නම් ප්‍රංශයේ කලා මෙන් ​මේ ගල්යුගයේ නොදියුනු මනස් ඈති සතුන් හැදූ විකාර අදහස් අපේ රටෙන් පලවා හරිමුද?


ඉස්ලාම් ඉන් සිංහල බොලොග් කරුවා මගේ විවේචනයට අපූරු පිලිතුරක් ඔහුගේ එම ලිපියේම කමෙන්ටුවක් ලෙස දමා ඇත.එයට පිලිතුරු දීමට පෙර කවුරුත් මේ පසුගියදා මේ ලංකාවේ මුස්ලිම් පල්ලියේ ඉස්ලාම් අන්තවාදී පාලකයන් ගේ අණකික් ඉබ්බාගමුවේ බාල වයස්කාර කිරි දෙන මවකට මුස්ලිම් පිරිමි සිය ගණනක් වට වී පහර දීපු පුවත මෙතනින් කියවන්න. මෙවැනි අන්තවාදී ආගම් කල්ලි අපේ රටේ නීතිය අතට ගැනීම තනි පුද්ගලයකු වූ මර්වින් සිල්වා නීතිය අතට ගැනීමට වඩා සිය දහස් ගුණයක් භයානක තත්වයකි.

ඔහුගේ එම ලිපියේම මා යෙදූ පහත කමෙන්ටුව මකා දමන ලදී
"Islam teaching is fundamentally wrong about this matter. Sex is in observer‘s head (mind) not in women’s body. More you cover more you construct sex in your mind because of curiosity about covered female body parts. More you open more you lost your interest about it. Female body is not magical object she is also a human being that’s just her body parts. They are not magical things that kick start of your sinful thoughts. If you having sinful sexual thoughts because seeing women’s skin on the road that’s your problem because you not civilized yet. Be civilized guys instead of covering her. For a people in a civilized society clothing fashion is fashion not sex, beauty is beauty not sex. art is art not sex, for primitive uncivilized people sees only sex. Be civilized first then you don’t have worry to full covering your women"

ඉන් පසු මෙම අපූරු අ‍‍‍‍‍ඳබාල පිලිතුර දී ඇත.
"ප්‍රතිචාර දැක්වුවාට බොහොම ස්තූතියි.මුලින්ම කියන්න ඕන,හිජාබය අදාල වෙන්න මුස්ලිම් කාන්තාවන්ට පමණක් බව.
ඇයි මුස්ලිම් කාන්තාවන්ගේ අතපයේ,හිසේ පවා අනිත් ගෑනුන්ට නැති අමුතු දේවල් තියේද? හිජාබය අන්දල වහල දැම්මෙ නැත්නම් දැක්කොත් තවුසන්ගේ වුව දැහැන් බි‍‍දෙනව කියලද ඔය තර්කය?
ඉන් පසු මෙසේ කියයි

//මගේ මේ පැහැදිලි කිරීම කාන්තාවන්ට වඩ වැදගත් වේවී.අපි එකින් එක බලමු,
ඔහු කියන්නෙ මනස දියුනු නෝවීම නිසා ඇතිවන දෙයක් බවයි,මගේ ප්‍රශනය මනස දියුනු යැයි කියන මිනිස්සු කව්ද?හදට ගිය ඇමෙරිකානුවන්ද ?
මිනිසාට හැගීම් ඇති වීම ස්වභාවිකය.එය පාලනය කල හැකිමුත්,දියුනු මනසක් හො නොදියුනු මනසක් කියා නැත,දියුනු මනසක් යැයි කියන දොස්තර වරුන්, හෙදියන්ට අතවර කිරීමට තැත් කල සිද්දි මාධ්ය මගින් අසා ඇත්තෙමු.( සියලු අය නොවේ ) අචර්යවරුන්,උපාධිදාරින්,ඉන්ජිනේරුවන් ඝණිකවන්ගේ සැප ලැබීමට ගොස් පොලිසීයට මාට්ටු වුනු අවස්තා නැතුව නොවේ.පිරිමි සිත් දැකීමෙන්ද, ගැහැනු සිත් ස්පර්ශයෙන්ද, හැගීම් ඉපදවේ.
අපි බලමු මෙකේ ඇත්ත නැත්ත.බොහෝ විට අතවරයට පත් වෙන කාන්තාවන් අතර බාහිර පන්ති යන සාමනය පෙළ ශිශ්යාවන්ද,ඇගලුම් කර්මාන්තයෙ යෙදෙන කාන්තාවන්ද,රැකියා සදහා යන කාන්තාවන්ද වේ.මීට මූලික හේතුව කෙටි සාය හා තද ඇදුම්ය.(ඇගලුම් රැකියා කරන කාන්තාවන් අදින්නෙ කොට සායකි )
මුලින්ම අතවරයට පත්වන්නෙ බස් රිය තුල වීම විශේශත්වයකි.හැගීම් පාලනය කල නොහැකි පිරිමින් කාන්තාවන් ලගට ගොස් තම ලිංගිකන්ද්‍රිය ස්පර්ශ කිරීමට පටන් ගනී.ඇතිල්ලීම,මිරිකීමත් නැතුවා නොවේ.(බොහෝ විට සිදු වන්නෙ සෙනග පිරිනු බස් රථ වලය )මෙය එක්තරා මානසික රෝගයකි.ආශ්වාදයක් ලැබිය නොහැකිවිට කරන්නේ තම ඇස් දෙකෙන් රසවිද,නිවසට ගොස් එය මතක් කර ස්වයන් වින්දනයේ යෙදෙති,නැත්නම් සිහිනෙන් දූශනය කොට හමාරය.(මෙම තත්වය ඔවුන්ගේ අයිතිවාසිකමක් ලෙස සැලකිය හැක ) මෙම තත්වයට විරුද්දව කාන්තාවක් ප්‍රතිචාර දැක්වුයෙනම්,බලහත්කාරයෙන් තම ආශාව මුදුන්පමුනුවා ගැනීමට තරම් පෙළබේ.මේ බව දන්න නිසාදෝ බොහෝමයක් කාන්තාවන් අසරණ වේ.(සමහර කාන්තවන් මෙයට ඉඩ දී ආශ්වාදයක් ලබා ගන්නා බව රහසක් නොවේ ) එපමණක් නොවේ ගම්බද ග්‍රීස් යකාද අමුතු ලිංගික ආශාවක් ඇති එකෙකි.
නානලිං හා ඇලදොල,ගංගා අසල පදුරු අස්සෙ හැංගෙමින් නාන ලදුන් දිහා බලන පුද්ගලයොද වෙති.
තවද,නිවෙස්වල වියලන්නට තබා ඇති කාන්තා යට ඇදුම් සොරකම් කර එකතු කර සුවද බලන පුද්ගලයෝද වෙත්. එපමණක් නොව “සමලිංගිකයො” යැයි පිරිසක්ද සිටිති.අප ජීවත් වන්නේ 2010 බව ඇත්තය,ඉහත කියූ පීරීස්ද වර්තමානයේ ජීවත් වෙති.සිත පාලනය කිරීමෙන් ලිංගික හැගීම් පාලනය කල හැකි බව සතයයකි.පාලනය කල හැකිනම් ප්‍රශ්නයක් නැත.පාලනය කල නොහැකිනම් කල යුත්තේ කුමක්ද?
උදා: ලංකාවෙ පුවත්පතක් අරන් බලන්න,කෙතරම් දූශන ගැන තියනවද ?අනික් අතට කෙටි ඇදුම් නිසා කාන්තාවන් බරපතල සමාජ ප්‍රශ්නයකට මුහුන් දෙති,වර්තමානයෙ ජංගම දුරකතන මගින් කාන්තාවන්ගෙ අනිසි තැන් චායාරූප ගත කොට අන්තර්ජලයට මුදාහැරීමයි.(පපු ප්‍රදේශය නිරාවරණය කර ඇති ඇදුම්-කාන්තාවන්ගෙ පපු ප්‍රදේශය චායාරූපගත කරයි ) මෙම කටයුතු නිසාත් පවුල් දෙකඩ වීමත් සිදුවේ.එපමණක් නොව තම පෙම්වතියගෙ නිරුවත් ජයාරූප පවා අන්තර්ජාලයට මුදා හැර ඇත,දියුණු යැයි කියන ඇමෙරිකාව,යුරෝපය බලන්න,කාන්තාවන් වීදුරු පෙට්ටි වල දමා විකිණීමට තබා ඇත.red light street (තායිලන්තය,කොරියාව,පිලිපීනය පවා මෙවැනි දේ දුලබ නොවේ )අපට අවශය මෙවැනි සංස්කෘතියක්ද ?
ලංකාවෙ බොහෝමයක් පන්සල් වල ඇතුල්වන තැන දැන්වීමක් ලියා ඇත.”කෙටි ඇදුම් වලින් වැළකී සංවර ඇදුමින් සැරසී පැමිනෙන්න” ( එසේ ලියා තැබීමට හේතුව මා නොදනිමි )තවද එම බ්ලොග් කරු හිජාබ් යනු කුමක්දැයි නොදනී.හිජාබය කිසිම රටක තහනම් කර නැත,එසේ තහනම් කරානම්,ක්‍රිස්තියානි කනයා සොහොයුරියන්ගෙ හිස් පලදනාවද තහනම් කරනු ඇත.ලොව පුරා මුස්ලිම් කාන්තාවන් හිජාබය පලදිති.ප්‍රංශය තහනම් කර ඇත්තේ බුර්කාව මිස,හිජාබය නොවේ.ඒ ගැන පැහැදිලි කරනවනම්,හිජාබ් නිකාබ් බුර්කා යනුවෙන් වර්ග තුනක් ඇත.වඩා පහසුව පිණිස ඉහත ජායාරූපය බලන්න.බොහෝ දෙනෙක් වැරදියට තේරුම් ගත් කාරණාවක් තමයි ඉස්ලාමයේ කාන්තාවන්ට ඉඩක් නොමැති බවත්,පහත් කොට සලකන බවත්,කෙලි බඩුවක් බවත්.එය අමූලික බොරුවකි."//

ඔහුට අනුව පාලනය කල හැකිමුත්,දියුනු මනසක් හො නොදියුනු මනසක් කියා නැත. සිත දියුණු කල නොහැක.  සිත දියුණු කිරීම යනු ශික්ෂණය වීමයි. බුද්ධාගමට අනුව නම් රහත් බව දක්වා සිත දියුණු කළ හැක.  ඔහු නොපිලිගන්නා බුදු දහමින් නොව සාමාන්‍ය දැනුමෙන් ඔහුට පිළිතුරු දෙමු.


 ඔහු මෙසේ කියයි "පිරිමි සිත් දැකීමෙන්ද, ගැහැනු සිත් ස්පර්ශයෙන්ද, හැගීම් ඉපදවේ" මේක මේ ගොල්ලන්ගෙ අලුත්ම සොයා ගැනීමක්ද? අනේ අපිටනම් මෙහෙම පාරෙදි දකින දකින ගෑනු ගැන හැගීම් ඉපදවෙන්නෙ නැහැ අපිටනම් විලාසිතා යනු විලාසිතා නැටුම් යනු නැටුම් බිකිනි යනු නාන ඇදුම් මිස ලිංගික උත්තේජකයන් නොවේ. උදාහරණයකට සංචාරකයන් බහුල වෙරල තීරයන්හි සුලබ දසුනක් වන බිකිනි ඇඳි සුදු ලඳුන් දැකීමෙන් එම පලාත් වල සිටින සාමාන්‍ය මිනිසුන්ට ලිංගික හැගීම් ඉපදවෙන්නෙ නැහැ. මේක සාමාන්‍ය එදිනෙදා දසුනක් විතරයි. අපිටනම් හැගීම් ඉපදවෙන්නෙ පාරෙදි (Public life) ගැහැනු දැක්කම නොවෙයි පෞද්ගලික අවකාශය තුල (Personal Space) ගැහැනියට  ආදරය කිරීම නිසයි. ඔයාලගෙ ගොඩට අපිවත් දාන්න එපා. මනුශ්‍ය ගැහැනියකගේ  කකුලක් දැක්කම  මෝල් කෙලින් වීම මානසික ලෙඩක්. මානසික ලෙඩ වලට මේ ගොල්ලන්ගෙ  පිළියම තමයි  ගැහැනියට හිජාබය ඇන්ඳවීම.

ඉන් පසු ඔහු  පසුගාමී සමාජයන්හි කාන්තාවන් අපයෝජනයට ලක්වන    අවස්තා ලයිස්තුවක් දක්වා මුස්ලිම් හිජාබය වැනි ඇදුම් ඇදීමෙන් මේවා වලැක්විය හැකියැයි සිතයි.

"ඉස්ලාම් ඉන් සිංහල" මේ අහහන්න මම දැන​ට වසර දහයයකට වඩා ජීවත් වෙන්නෙ ඈමරිකාවෙ මේ රටේ මිනිස්සු බස්වවල ජැක් ගහන්නෙ නැහැ.පෙම්වතියගෙ නිරුවත් ජයාරූප  අන්තර්ජාලයට මුදා හැර නැත. ඔය කියන වීදුරු පෙට්ටි වල දමා විකිණීමට තබා ඇති කාන්තාවන් මම නම් අද වනතුරැ දැකල නැහැ. ඔය කියපු ලයිස්තුවෙ දේවල් මෙහේ වෙන්නේ නැහැ, වැරදිලාවත් මේ වගේ සිදුවීම් උනොත් නීතිය අකුරට මොහොතකින් ක්‍රියාත්මක වේ. තුන්වැනි ලෝකයේ රටවල්වල ඔය කියපු ලයිස්තුවෙ දේවල් වෙන්නේ කාන්තාවන් හිජාබය වැනි ඇදුම් නොඇද කොට සාය අදින නිසා නොව,දේශපාලන ​පසුගාමීත්වය නිසා  නීතිය හා පර්යාය  රට තුල හරියට  ක්‍රියාත්මක නොවන බැවිනි.

ඔහු මෙසේ  අසයි "පන්සල් වල ඇතුල්වන තැන දැන්වීමක් ලියා ඇත.”කෙටි ඇදුම් වලින් වැළකී සංවර ඇදුමින් සැරසී පැමිනෙන්න” ( එසේ ලියා තැබීමට හේතුව මා නොදනිමි )" ඈයි දන්නවද හේතුව පන්සල කියන්නෙ beach එක නෙවෙයි නේ ඈමරිකාවෙ වුනත් මිනිස්සු පල්ලි යන්නෙ තැනට සුසුසු ඈදු​මෙන් තමයි. මේ මේ ඔයාලගෙ හිජාබය අන්දල  ගෑනු වහන රෝගයට සමාන දෙයක් නෙවී.

හිජාබ් නිකාබ් බුර්කා (what ever it called ) ඔයාල අන්දගත්තට කමක් නෑ  නිකන් මාර දෙයක් කියල අපිට පෙන්නන්න හදන්න එපා. ඕනෑනම් ගෙදරට ඇඳන් ඉන්න පාර අපිටත් අයිතියි ගෝනි බිල්ලෝ වගේ අපේ ළමයි බය කරන්න දෙන්න බෑ.
 "ඉස්ලාම් ඉන් සිංහල"  මෝඩ බයිලා නොකියා  හිජාබයට විරුද්ධව මා නගන මගේ මූලික තර්කය වන  "Sex is in observer‘s head (mind) not in women’s body" යන්නට පිළිතුරු ​දී හැකිනම්  serendipity විසින් මගේ මුල් ලිපියේ ප්‍රතිචාරයට ඈතුල් කරන ලද පහත බුදූ වදනද ​බොරු කර පෙන්වන්න.

සංඛ්ප්ප රාගෝ පුරිසස්ස කාමෝ
(මනුශ්‍යාගේ කාමය සිතේ ඇතිවෙන ස්ංකල්පනීය රාගයක් විතරයි )
ණීතේ කාමා යානි චිත්‍රානි ලෝකේ
(මේ බාහිර ලෝකයේ කාමය නම්වු චිත්‍ර නෑ )
සංඛ්ප්ප රාගෝ පුරිසස්ස කාමෝ
(මනුශ්‍යාගේ කාමය සිතේ ඇතිවෙන ස්ංකල්පනීය රාගයක් විතරයි )
තඨ්ටන්ති චිත්‍රානි ඨතේව ලෝකේ
(මේ ලෝකයේ බාහිර චිත්‍ර එසේම තියෙනවා )

නිබ්ඹේදික සූත්‍රය - බුදු රජානන් වහන්සේ


Sunday, February 10, 2013

කන්නම් ස්ටයිල් සහ කොළඹ ස්ටයිල්

මා දකින සොඳුරු සිහිනයක් පසුගියදා සැබෑ විය. කණගාටුවකට එය සැබෑ වූයේ සැබෑ ලෝකයේදී නොව සයිබර් අවකාශයේ  යූ ටියුබ්හි වීඩියෝවක් තුලින්ය.  කන්නම් ස්ටයිල් නටන ජනාධිපති මහින්ද රාජපක්ෂ ගේ  යූ ටියුබ් වීඩියෝව මේ වන විට ලංකාවේ අන්තර්ජාලයේ සැරිසරන සියලුදෙනාම නරඹා ඇතැයි සිතමි. ජනාධිපති මහින්ද රාජපක්ෂ දැන් නටමින් සිටින  චීන බීජිං ස්ටයිල් නැටුම වෙනුවට කන්නම් ස්ටයිල්  නටනු දැකීම මගේ සිහිනයකි. ඒ සිහිනය සැබෑ ලෝකයේ සිදුවන ලකුණක්වත් නැතිමුත්  යූ ටියුබ් ලොවේදී හරි සැබෑ වීම සතුටකි. උසස් තත්වයන්   එම වීඩියෝව හැදු ලාංකිකයාට ස්තුති වන්ත වෙමි. මේ වන විට එම වීඩියෝව බීජිං ස්ටයිල්  ක්‍රමයට ලංකාවේ තහනම් කර තිබෙන්නට බැරි නැත. කෙසේ හෝ  මා මෙවැනි K-pop  සිහිනයක් දකින්නේ ඇයි කියා ඔබට පැහැදිලි කිරීමට   මෙය අවස්ථාව කර ගනිමි.

නිව් යෝර්ක් ස්ටයිල් -Western-style 
කොරියාවේ කන්නම් ස්ටයිල්, චිනාගේ බීජිං ස්ටයිල් සහ මහින්දගේ කොළඹ ස්ටයිල් වැනි නැටුම් මා නරඹන්නේ ඇමරිකාවේ නිව් යෝර්ක්  සිටයි ඉතින් මේ මගේ සිහිනය පැහැදිලි කිරීම කරන්නට එළඹුමක් ලෙස  මට හමුවන  ඇමරිකානුවන් ගේ නිව් යෝර්ක් ස්ටයිල්  දැක්ම මුලින්ම පැහැදිලි කර යුතුය. අමරිකානුවෙකුට තමන්ගේ රටේ
1. ප්‍රජාතන්ත්‍රවාදී -දේශපාලන නිදහස
 2, ධනවාදී -ආර්ථික දියුණුව
යන දෙක කරුණු දෙකක් නොවෙයි එකම ඒකකයක් හැටියටයි වැටහෙන්නේ. ඇමරිකාව ප්‍රමුක බටහිර රටවල් වල ප්‍රජාතන්ත්‍රවාදී -නිදහස සහ ධනවාදී -ආර්ථික දියුණුව යන ඉහත කාරනා දෙක වෙන්කළ නොහැකි ලෙස එකිනෙකට  තදින් වේලි  සම්බන්ධ වී ඇති  දෙයක් ලෙස පිළිගනියි. මේ එකකින් තොරව අනිකට පැවැත්මක් නොමැති බව  මේ රටවල මිනිසුන් විශ්වාස කරනු ලබනවා .

බීජිං ස්ටයිල්- Asian miracle-style
1960 කාලයේ පටන් ධනවාදී ආර්ථික දියුණුව ගැන ඉහත බටහිර ක්‍රමයේ මතයට සහ  විශ්වාසයන්ට දැඩි අභියෝගයක්  එල්ලකරමින් ආසියාවේ ආශ්ච්ර්යමත් ආර්ථික වල නැගී සිටීම පටන් ගත්තා. මෙහි පුරෝගාමීයා වූයේ චීනයයි. දකුණු කොරියාවත් මේ රටවලින් එකක්. ප්‍රජාතන්ත්‍රවාදී -දේශපාලන නිදහස නොමැතිව ධනවාදී -ආර්ථික දියුණුව ලබාගැනීමේ  හැකියාව මේ කලාපයේ  ඒකාධිපති හෝ අර්ධ ඒකාධිපති රාජ්‍යයන් විසින් ලොවට පෙන්වන්නට පටන් ගත්තා. මේ නැගී එන ආර්ථික වල විසල් ආර්ථික වර්ධනය දැකලා සමහර බටහිර විද්වතුන් පවා විශ්වාස කරන්න පටන්ගත්තා ධනවාදී -ආර්ථික දියුණුව උදා කර ගැනීම සඳහා තද කෙලින් තීරණ ගන්නා දරදඬු රෙජීම වල පාලනය වඩා  ගැලපෙනවා කියල. චීනයේ මෑත කාලයේ නැගීම  ප්‍රජාතන්ත්‍රවාදී -දේශපාලන නිදහස නොමැතිව නුතන වෙළඳපොල දිශාවට වර්ධනය වන ආර්ථිකයක් ගොඩනගන්න පුළුවන් යන විශ්වාසය සමගර අය තුල ඇතිකරන්න සමත් වෙලා තියනවා. ඇත්තටම චීනයේ පාලකයන් පිළිගන්නේ  ප්‍රජාතන්ත්‍රවාදී -දේශපාලන නිදහස  කියන්නේ ආර්ථික වර්ධනයට බාධාවක් කියලයි.

මතුගම ස්ටයිල් - Lankan Leftist-Style
ලංකාවේ අලුත් වම්මු සහ පරණ වම්මු මෙන්ම ලාංකීය වාමාංශික චින්තකයන්ද සිය අන්තර්ජාතික ලෝක වාමාංශික චින්තකයන් ගෙනහැරපාමින් අපට විශ්වාස කරන්න යැයි කියන්නේ  ධනවාදයට නිව් යෝර්ක් ස්ටයිල් සහ බීජිං ස්ටයිල් යන  ඉහත  මා  දැක්වූ ස්ටයිල් දෙකේම පැවැත්මක් ඇති බවයි. එනම් මේ ක්‍රම  දෙකම එකම ධනවාදී කාසියේ දෙපැත්තේ ඇති මුහුණු දෙක  වැනි දෙයක් බවයි. මේ නිසා අපි විරුද්ධ විය යුත්තේ සමස්ථ ධනවාදී ක්‍රමයටමය. මොවුන්ට අනුව කේන්ද්‍රයේ රටවල යුරෝපයේ එංගලන්තයේ ඇමරිකාවේ නිව්යෝර්ක් ස්ටයිල් සහ පරිවාරයේ අපේ වැනි ආසියානු රටවල ,දකුණු ඇමරිකාවේ රටවල හා අප්‍රිකාවේ බීජිං ස්ටයිල් ඇත මේවා  ධනවාදී සබඳතා මත  එකිනෙක පෝෂණය වෙයි. උදාහරණයකට ලංකාවේදී වැඩවසම් ගති ලක්ෂණ මේ කාලයේ  තවත් තහවුරු වෙමින් තියෙන්නේ ධනවාදය නිසයි.. ඔවුන් කියන්නේ ඉතින් මේ ස්ටයිල් දෙකටම විරුද්ධව  අපි සමාජවාදී විප්ලවය කරමු කියායි. ඇත්තටම වම්මු මෙය ආගමික ලෙසින් විශ්වාස කරන නිසා  ලේසියෙන් මේ මතය කරුණු දක්වා  වෙනස් කරන්න බැහැ.

නව දිල්ලි ස්ටයිල් - Indian democracy-Style
දැන් අපි  ඉහත ස්ටයිල්  දිහා විචාරශීලි ලෙස බලන්න උත්සහ කරමු.  මම පිළිගන්නා විදියට රටක  ආර්ථික වර්ධනය හා ඒකාධිපති දරදඬු පාලන ක්‍රම අතර සම්බන්දයක් තිබේයැයි කරන නිගමනය වැරදියි. මට අනුව රටවල් දියුණු වෙන්නේ රටේ දේශපාලන ස්වභාවය මත නොවෙයි ඒ ඒ රටවල් ක්‍රියාත්මක කරන ආර්ථික ප්‍රතිපත්ති සහ ක්‍රම  කොතරම්   ඥානාන්විත  යන්න මත සහ ඊලඟ පියවරේදී සංවර්ධිත රටක් වෙන්නේ  කොතරම් ප්‍රජාතන්ත්‍රවාදීද යන්න මතයි යි. මේක තහවුරු කරන්න අපි නව දිල්ලි ස්ටයිල් එක දිහා බැලිය යුතුයි. අසල්වැසි ඉන්දියාව ඒකාධිපතියන් නැතිව ,වැඩවසම් මහාරාජා ක්‍රම වෙත වේගයෙන් පස්සට රිවර්ස් එකේ අපි වගේ නොයා , ප්‍රජාතන්ත්‍රවාදී විදියට ඥානාන්විත ආර්ථික ක්‍රම ප්‍රතිපත්ති ක්‍රියාත්මක කරමින්  චීනේ  එක්ක කරට කර ආර්ථික වර්ධනයක්  පෙන්වනවා.  බුදු දහම අපිට දායාද කරපු අපේ අසල්වැසියා ඕනෑම ඒකාධිපති පාලකයන් ඉන්න ආර්ථික වර්ධනය පෙන්වන රටක් එක්ක කරට කර සටන් කල හැකි ආර්ථික වර්ධනයක් පෙන්වන්නේ ඉතා සංකීර්ණ ජන විවිධත්වයක් ඇති රටක ප්‍රජාතන්ත්‍රවාදී විදියටයි.

කන්නම් ස්ටයිල් -South Korean -Style
දකුණු කොරියාව ගැන තනි ලිපියක් ඉදිරියේදී ලිවීමට බලාපොරොත්තු වෙනවා ඒ නිසා කෙටියෙන්  මේ ලිපියට අදාලව මෙහි මම කියන්න හදන්නේ මෙයයි. මා දකින සිහිනය අපි ලාංකිකයන් වශයෙන් හැමෝම එකතුවෙලා සැබෑ කරගත යුතු සිහිනයක් කියල  තහවුරු කරන්න ගන්න පුළුවන්හොඳම උදාහරණය  තමයි දකුණු  කොරියාව. 
  ලංකාව තුල පතුරවන බොරු මිත්‍යාවක් නිසා හැමෝම හිතන දෙයක් තමයි තව අවුරුදු කීපයකින් චීනය ලොව අංක එකේ බලවතා වෙනවා ඒක නිසා ඉතින් චීනේ වල්ගේ එල්ලුණාම අපිත් නොමිලේ දෙව්ලොව යනවා කියන එක. අපිත් චීනේ විදියට තමයි රට කරන්න හදන්නෙත්. නමුත් දකුණු කොරියාව අපිට පැහැදිලිව පෙන්වනවා මේක වැරදියි කියල.  දකුණු කොරියාව  උගන්නන පාඩම තමයි ඒකාධිපති පාලන වලට ආර්ථිකය වර්ධනය කරගෙන යන්න පුළුවන් සීමාවක් තියනවා කියන එක අපිට පෙන්වා දීම.

 අපි නොවෙයි චීනේ පවා දකුණු කොරියාව දිහා බලලා පාඩමක් ඉගෙන ගත්තේ නැත්නම් අනාගතයක් නැත.
දකුණු කොරියාවේ "පාර්ක් චුන්ග් හී" පාලන කාලය පෙන්වනවා කොතරම් වර්ධනය උනත් එක්තරා සීමාවකින් එහාට ඒකාධිපතියන්ට යන්න බෑ කියන එක. එක තැනකදී මේක හිරවෙනවා. පාර්ක් ගේ කොරියාව අපේ ආශ්චර්යය වගේම සීග්‍රයෙන් දියුණු වුණා මේ නිසා හැමෝම හිතුවේ ඒකාධිපති කම සංවර්ධනයට හොඳයි කියල. එත් මේක එක තැනකින් නවතිනවා. වෙන විදියකින් කිව්වොත් දරදඬු ඒකාධිපති පාලකයන්ට රටක් දියුණු කරන්න පුළුවන් මධ්‍යම අදායම්  ලබන රටක්( middle-income countries -MICs) දක්වා  විතරයි.
1987 ඒකාධිපති රෙජීම වලින් මිදිලා දකුණු කොරියාව ප්‍රජාතන්ත්‍රවාදී -දේශපාලන නිදහස ලැබුවට පස්සේ  තමයි සැබෑ ආශ්ච්ර්ය ඇත්තටම සිද්ධ වෙන්න පටන් ගත්තේ. දකුණු කොරියාව මධ්‍යම අදායම්  ලබන රටක සිට සංවර්ධිත රටක් දක්වා මහා පිම්මක් පනින්නේ ඉන් පස්සෙයි. මෙහිදී විවෘත මනසක් ඇති පාඨකයාට මා දැඩිව  අවධාරණය කරන මතය නම්  ප්‍රජාතන්ත්‍රවාදී -දේශපාලන නිදහස  නොමැතිව කිසිවිටක දකුණු  කොරියාවට ඉහත පිම්ම පනින්න බෑ කියන එකයි. මේක තමයි 1987 න් පස්සේ පටන් ගන්න ද, කොරියාවේ ආර්ථික නිර්මාණශීලී භාවයේ අඩිතාලම. සම්සුන්.හුන්ඩායි කාර් එල් ජී රුපවාහිනී සහ කේ -පොප් සංගීතය එහි දෙවන පිම්මේ නිමි නිෂ්පාදිතයයි. (අපේ අය කොරියාවේ රස්සාවලට ගොස් එවන මුදල් වලින් වැඩවසම් රාජ්‍ය නඩත්තු වීම මෙහි තවත් අතුරු ඵලයක්).
1.දකුණු කොරියාවේ මේ ආර්ථික පිම්මේ රහස කොහෙද තියෙන්නේ?
2.මෙම ආර්ථික පිම්ම දරදඬු රෙජීම පාලකයන් යටතේ ඉඳන් උනත් යන්න පුලුවන්ද?

 දකුණු කොරියාවේ මේ දෙවෙනි පිම්මෙන් සවර්ධිත රටක් වීමේ රහස තමයි  රටේ මිනිසුන් නව නිර්මාණ බිහිකරන නිර්මාණශීලි ජනතාවක් බවට පරිවර්තනය වීම සහ ඒ හැමෝටම ඉදිරියට යන්න සම අවස්ථා හිමි වීම ඉතින් මේ දෙය   දරදඬු රෙජීම පාලකයන් යටතේ රාජ්‍ය අනුග්‍රහය යටතේත් විය හැකිද?

රටක් ගොඩයන නව නිර්මාණ බිහිකරන නිර්මාණශීලි බව රාජ්‍ය අමාත්යංශ තුල හෝ නිලධාරීන්ගේ කාමර වල සැලසුම්කරණය වී මෙවැනි දෙයක් සිදුවිය හැකියයි ඔබ සිතනවාද?  නැත කිසිදිනක සිදු නොවේ. රජයක් මොනතරම් උත්සාහ කලද  ඒ වෙනුවෙන්  අයවැයෙන් අපේම බදු මුදල් මොනතරම් වියදම් කලද මිනිසුන් නිර්මාණ ශීලි නව නිපැයුම් බිහිකරන්නන් බවට හැරවිය නොහැක.  මිනිසුන්ගේ ඔළුතුල ආකල්ප වෙනස් කිරීමට නිර්මාණශීලි කිරීමට රජයට නොහැක. දරදඬු රෙජීම පාලකයන්ට කොහෙත්ම නොහැක.

ප්‍රජාතන්ත්‍රවාදී -දේශපාලන නිදහස සංවර්ධනය සඳහා අත්යාවශ්‍ය සාධකයක්ද?
නව නිර්මාණ බිහිකරන නිර්මාණශීලි(innovative and Creative )මිනිසුන් සිටින රටක් හැදෙන්නේ කොහොමද?
මේ සඳහා මුලික කොන්දේසි කිහිපයකි ප්‍රධාන වශයෙන්ම
1. තොරතුරු ලබාගැනීමට හැමට ඇති සම්පුර්ණ  නිදහස. 
2. හැමට නොබියව අදහස් ප්‍රකාශකිරීමේ ඇති නිදහස.
3. අවදානම් ගැනීමට නැඹුරුවට ඇති ඉඩප්‍රස්ථා විවර වීම
දරදඬු රෙජීම පාලකයන් සිටින රාජ්‍යන් වල ඉහත දේවල් සිදු නොවේ , මේ රාජ්‍යයන් පාලකයන් තොරතුරු වාරණයට ලක්  කරයි.(access to information limited) ,දේශපාලන පීඩනය නිසා බය නිසා කවුරුත්  අදහස් ප්‍රකාශකිරීමට නොයයි.සංවාද විවාද නොමැත(fear to speech and expression)  එවිට නිදහස් චින්තනය හරහා ආකල්ප වෙනස් නොවේ  නිදහස් සිතුවිලිවලින් නව නිර්මාණ බිහිකරන අය බිහි නොවෙයි. එමෙන්ම ඉදිරියට යා හැක්කේ රජයට පාලකයන්ට සමීප හිතවතුන්ට පමණක් බැවින් කිසිවෙකු අවදානම් ගන්නේද  නැත. නිර්මාණශීලි නව නිපැයුම් බිහිකරන අවකාශයන් මේවායේ විවර නොවේ. (චීන්නු හොර කොපි ගහනවා විතරයි)
ප්‍රජාතන්ත්‍රවාදී -දේශපාලන නිදහස නොමැතිව රටකට නිර්මාණ ශීලි නව නිපැයුම් බිහිකරන මිනිසුන් සිටින අවදානම් ගෙන ව්‍යාපාර කරන රටක් (innovative country ) බවට පත්විය නොහැක එසේ නිර්මාණශීලි නොවී කිසිදිනක  ධ්‍යම අදායම්  ලබන තත්වයෙන් එහා ගොස්  සංවර්ධිත රටක් වීමටත් නොහැක.

ඉතින් මගේ සිහිනය දැන් ඔබට පැහැදිලි ඇතැයි සිතමි. අපේ ජනාධිපතිතුමා යූ ටියුබ් වීඩියෝවේ පමණක් නොව ඇත්තටම ඇත්තට හොරකොපි ගහන  චීන බීජිං ස්ටයිල් නැටුමෙන් සමුගෙන ප්‍රජාතන්ත්‍රවාදී -දේශපාලන නිදහස  මිනිසුන්ට ලබාදී පවුලේ හිතවතුන්ට පමණක් නොව ඕනෑම කෙනෙකුට ජයගත හැකි වෙළඳපොළක් සහිත නිර්මාණශීලිත්වය අගයන රටක්  ලෙස   දකුණු කොරියාවේ ක්‍රමයට හෝ අඩුතරමේ නව දිල්ලි ක්‍රමයටවත් රට මෙහෙයවනු දැකීම මගේ සිහිනයකි. නැත්නම් චීනයට මෙන්ම අපිටද අනාගතයක් නැත. ලාංකික ඉරණම වන්නේ සදහටම අරාබියේ වහල් සේවයට හෝ කොරියාවේ රැකියා වලට යාමටයි.

Sunday, January 20, 2013

අශෝක හඳගම ගේ "ඉනි අවන්" හි ටික් ටොක් හඬ ඔබට ඇසෙනවාද?

අශෝක හඳගම නම් අපේ කාලයේ සම්මානලාභී සිනමා කරුවාගේ විශිෂ්ඨ භාවය නැවත තහවුරු කරමින් අප වෙත පිදුණ ඔහුගේ අතිදක්‍ෂ නවතම සිනමා නිර්මාණය ඉනි අවන්ය. මේ චිත්‍රපටය  සෙමෙන් ගලායන ලස්සන චිත්‍රපටියකි. එහි දෙබස් ඇති සරලය.   මනා ලෙස පෙළගස්වා ඇති රුප රාමු අව්‍යාජය. පරිකල්පිත නොමැත. සමහරු මෙය හඳගමගේ මනෝවිකාරයක් ලෙස හැදින්වුවද ඉනිඅවන්හි සත්භාවී සිනමා භාවිතය ටොරොන්ටෝ අන්තර්ජාතික සිනමා උළෙලේ නොමද  ප්‍රේක්ෂක ප්‍රශංසාවට ලක්වුයේය.  30 වසරක යුද්ධය නිමාවෙන් පසු උතුරේ ගමක සිදුවන සිදුවීම් පෙළක් වාර්තාමය ලෙස සංයමයකින් තිරය මත දිග හැරීම මිස මහා ලොකු දෙයක් නොමැත.  නමුත් ඒ තුලින් අපිට දෙන පණිවිඩය ඇති ප්‍රභලය. හඳගමගේ සුපුරුදු  මන්දගාමිව ගලායන රූපරාමු පෙළ අතරින් නිහඩව අපිට දෙන  අනතුරු හැඟවීම උතුරේ සහ දකුණේ  ලාංකිකයින් ඉක්මනින් තේරුම් ගත්තේ නැත්නම්  අනාගතය සුභ වෙන්නට නම් ඉඩක් නැත.

හඳගමගේ  මේ චිත්‍රපටය නිසා ලංකාවේ බොහෝ අයගේ හදවත් බිඳී ඇත. ලංකාවේ සමහරුන් හඳගමගෙන් බලාපොරොත්තු වෙන්නේ මෙවැන්නක් නොවේ.  ඔවුන් හඳගම ගෙන් ඉල්ලන්නේ කිසිවෙකුට නොතේරෙන    මැජිකල් ප්‍රබන්ධයක් වන් විදග්ධ මහා පණ්ඩිත සිනමාවකි. ඊට වෙනස්ව වාර්තාමය ස්වභාවයක් උසුලන මේ චිත්‍රපටිය සිහල වාමාංශික බ්ලොග්කරුවෙකු වන අජිත් පැරකුම්  පසුගියදා හැඳින්වුයේ  හොලිවුඩ් ත්‍රිලර් එකක් නැත්නම් හඳගමගේ  කුරිරු අපගමනයක් ලෙසිනි.  , නැවත වරක් බ්ලොග් මිතුරකු වන  අජිත් පැරකුම් මෙයටත් ගාවා ගැනීමට සිදුවීම ගැන උරණ නොවන්න බ්ලොග් අවකාශයේ ඉන්නා එකම දකුණේ සිංහල "ඉනියවන්" ඔහු වීම මගේ වරදක් නොවේ.

හඳගමට අනුව "ඉනි අවන් " තේරුම "ඔහු, ඉනික්බිති" මේකම තනි වචනයක් ලෙස ගත්තම  "ඉනියවන්" කියන්නේ සුන්දර මිනිසා. හඳගම මේ අර්ථ දෙකම අරුත්ගන්වන්න තමයි මේ නම දාල තියෙන්නේ. මේ චිත්‍රපටියේ "ඉනියවන්-සුන්දරමිනිසා" චරිතය  මෙන්ම කොටි සංවිධානය වැනිම දකුණේ විප්ලවවාදී  දේශපාලන  සංවිධාන තුල සිට යලිත් ගමට ගොස්  දරු පවුල් සමග "ඔහු, ඉන්පසු" වී   සිටින  පැරකුම් වැනි පරණ වම්මු මේ ච්ත්‍රපටියට අවිඥානික ලෙස  අකමැති වන්නේ ඇයි. මෙයට හේතු කිහිපයක්  ඇත.

මෙය පැහැදිලි කර ගැනීමට  මම දැන් අයින් රෑන්ඩ් උපුටා දක්වමි.

Life or death is man’s only fundamental alternative. To live is his basic act of choice. If he chooses to live, a rational ethics will tell him what principles of action are required to implement his choice. If he does not choose to live, nature will take its course.-Ayn Rand
ඉහත අයින් රෑන්ඩ් කියන "chooses to live" යන්න හඳගම ගේ ඉනි අවන් චිත්‍රපටයේ "ඉනියවන්" තුල මා දකින්නෙමි.
දකුණේ පැරකුම් මෙන්ම උතුරේ ඔහු "ඉනියවන්"  ජීවිතය තෝරාගත් අයයි. ඔවුන් ඉනික්බිති ජීවත්වෙති  පැරකුම් ලා ගේ  සහෝදරු වරු දහස් ගණනක්  1989 මහමග ටයර් තුල දැවී අලුවිය.  දකුණේ අජිත් පැරකුම් ඒ අයගෙන් වෙනස්ව මරණය වෙනුවට  ජීවිතය තෝරා ගත් අයයි.  එලෙසම  උතුරේ කොටි සාමාජිකයාටද  මේ අයින් රෑන්ඩ් කියන ජීවිතයද මරණයද කියන මිනිසාට තියන මුලිකම විකල්ප දෙක  තෝරා ගැනීමක් ලෙස මහා දවල් අමූලික සත්‍යයක්  වී බෙල්ලේ එල්ලා  තිබුණි. සයනයිඩ් කරලක් බෙල්ලේ එල්ලාගත් කොටි සාමාජිකයාට තරම් අයින් රෑන්ඩ් ගේ ඉහත වැකිය ප්‍රායෝගිකව අත්විඳි  වෙන කිසිවෙකු ලොව නැත. ඔහුට හමුදාවට අසුවූ විට රෑන්ඩියානු අරුතින් ජීවත්වීමට තෝරා ගන්නවාද  නැත්නම් සයනයිඩ් කා මිය යනවාද යන තෝරා ගැනීමේ පරික්ෂාවට භාජනය වේ. අශෝක හඳගමගේ මේ චිත්‍රපටියේ සුන්දරමිනිසා මරණය වෙනුවට ජීවිතය තෝරාගත් කෙනෙකි. සයනයිඩ් හපා මියයනවා වෙනුවට හමුදා අත්අඩංගුවට පත්වී පුනරුත්ථාපනය වී ආපසු ගමට පැමිණෙයි. හඳගමගේ ඉනියවන්  විෂය මුලිකවාදයේ නිරන්තර අසන ගැටලුවට අපි අභිමුක කරයි. එනම්  ජිවිතයට අගයක් වටිනාකමක් ලැබෙන්නේ අපි ජීවත්වීමට තෝරාගත් නිසාද? නැතහොත් ජිවිතයට අගයක් වටිනාකමක්  ඇති   නිසා අපි ජීවත්වීම තෝරාගත යුතුද යන්නයි. දැන් මේ  විෂය මුලිකවාදයේ මුලික ගැටලුව සිහිහේ තබාගෙන ඉනි අවන් චිත්‍රපටියේ  ඔහු පුනරුත්ථාපනය වී ආපසු ගමට ආ විට ගමේ අය  ප්‍රතිචාර දක්වන අයුරු දැක්වෙන ජවනිකාව යලි නරඹන්න.  එවිට මා කියන දේ ඔබට වැටහෙනු ඇත.  එම ජවනිකාවේ උතුරේ මිනිස්සු  ජිවිතයද මරණයද අගේ කොට සලකන්නේ ? ඔවුන්ට අනුව වීර කමක් කියන්නේ සයනයිඩ් කාල මැරෙන එකද පුනරුත්ථාපනය වෙලා ජීවත්වෙන එකද?ආපසු ගමට ආ ඔහු  "ඉනියවන්" අගේ කොට සලකන්නේ ජිවිතයද මරණයද  ? අජිත් පැරකුම් හොලිවුඩ් ත්‍රිලර් එකක්  එකක් ලෙස වරදවා වටහාගත් මේ චිත්‍රපටිය අපිට දෙන   එක වැදගත්  පණිවුඩයක් තමයි   ඔබේ ජීවිතයේ අගය වටිනාකම ඔබ තුල තමා තුල සොයන්න කියන එක, ඔබ දිහා පිටතින් බලාගෙන ඉන්න අනෙකාට එය නිර්වචනය කරන්න බැහැ.

මේ චිත්‍රපටිය  අපිට කියන තවත් වැදගත් දෙයක්  තමයි අජිත් පැරකුම් ගේ ඉහත මා කියූ w3lanka හි පළවූ  ලිපියට    ප්‍රතිචාරයක් දමන  දිමිත්‍රි නම් පාඨකයා නිවැරිදිව හඳුනාගත්  වැදගත් කාරණය . දිමිත්‍රි එහි  මෙහෙම කියනවා


//මේ චිත්‍රපටියේ විදියට 'ඔහුට, ඉනික්බිතිව' මූලිකව විසඳාගැනීමට ඇත්තේ 'ධනවාදය උතුරට ඇතුලුවීමත් සමග' පැනනගින, තමාතුලම වන - තමාගේම ප්‍රශ්නයක් මිස, මහා ජාතියේ දේශපාලනික අවශ්‍යතාවන් මත මුදාහැරෙන භෞතික, සමාජයීය සහ සංස්කෘතික ආක්‍රමනය පිලිබඳ ප්‍රශ්නය නොවේ."
- Dimithri//
මම හිතන විදියට උතුරේ දෙමල ජනතාව මෙන්ම දකුණේ අපිද මුලිකවම විසඳාගත යුතු ගැටලුව මෙන්න මේ තමා තුලම සිටින සතුරා ගැටලුව. අපි හැමෝම අපෙන් භාහිර සතුරෙක් මවල අපේ ඔක්කොම ප්‍රශ්න මේ භාහිර සතුරා නිසා වෙන්නේ කියල ඒ භාහිර සතුරාට බැන බැන ඉන්න තමයි කැමති.  නලින් ද සිල්වාට සහ ගෝල පිරිසට අනුව අනුව බටහිර සතුරා,  තව අයෙක්ට දෙමල ඩයස්පෝරාව බෙදුම්වාදීන් දැන් අලුත්ම මුස්ලිම් සතුරා ඇමරිකන් සතුරා. පැරකුම් ට,වම්මුන්ට  අනුව සතුරා තමයි ධනවාදය. අපිට වැරදුනේ කොහෙද කියල අපි අප වරද්දාගත් තැන් සොයල අපිව නිවැරිදි කරගන්නවා වෙනුවට බාහිර සතුරාට බනින එක ලේසියි, ජාති කුල මල ආගම් දේශපාලන මතිමතාන්තර වලින් ඔලුව පුරවගෙන  ඉන්න අපි තමාතුළ ඇති ප්‍රශ්නය විසඳාගත යුතුයි නැත්නම් අනාගතය අඳුරුයි කියන එක මේ චිත්රපටියේ ජවනිකාවක් පාසා අපිට මතක් කරලා දෙනවා,

හඳගම ගේ ඉනි අවන් චිත්‍රපටිය   මට  බ්‍රසීල ජාතික සිනමාකරු වෝල්ටර් සාලිස් ගේ  Behind the Sun නම් සිනමා කෘතිය සිහි ගන්නනවා . එහි කතාව කෙටියෙන් මෙහෙමයි පවුල් දෙකක් ඉඩම් කැල්ලක් සඳහා වන ආරවුලක් නිසා පරම්පරා ගානක් තිස්සේ  දෙගොල්ල එකිනෙක මරාගන්නවා,.ඇසට ඇසක් ජිවිතයට ජිවිතයක් ලෙසින් පලිගනිමින් යන මේ ගැටුම කොහොමවත් අවසන් කරන්න බැහැ ළමයෙක් මේ එක පවුලක  ඉපදෙනකොටම ඒ ළමය මේ  ආරවුලේ ගැලවිය නොහැකි විෂම චක්‍රයට අහුවෙලා ඉවරයි. එක්කෝ ඔහුට පලිගැනීමක් ලෙස අනික් පවුලේ කෙනෙක් මරන්න නියමිතයි එහෙම නැත්නම් අනික් පවුලේ කෙනෙක්ගෙන් මැරුම් කන්න නියමිතයි. ඒ චිත්‍රපටයේ එක දරුවෙක් සර්කස් එකක් එක්ක ගමට එන ක්ලේරා නම් තරුණියගේ ආදරය නිසා මේ කවදාවත් මිදෙන්න බැරියයි සිතපු  මිදිය නොහැකි ප්‍රචණ්ඩත්වයේ සහ විෂමචක්‍රය කඩලා දානවා ඉන්පස්සේ ඔහුට නව ලෝකයක් විවරවෙනවා. ඉනි අවන් හි දෙමල තරුණිය  මේ පණිවිඩය  ප්‍රචණ්ඩත්වයේ සහ දුප්පත්කමේ විෂමචක්‍රයයෙන්  අපි අපේ යහපත සඳහාම මිදිය යුතුයි කියන ආදර පණිවිඩය අර චිත්‍රපටියේ ක්ලේරා වගේ ම   එයාලට ආවේනික විදියට අපිට කියල දෙනවා.

 සමහරක් සිතන්නේ ලංකාව ආශ්ච්ර්යය කර ස්ථිරසාර ලෙස ගමන් ගන්න බවයි එහෙත් කටුක සත්‍යය අපි පමා නොවී ක්‍රියාත්මක නොවුනහොත්  අනාගතය නිකම් නොමිලේ සුභ අනාගතයක් නොවන බවයි. යුද්ධය අවසන් වී ඇත නමුත් ප්‍රශ්න විසදි නැත. රජමිතුරැ  ධනවාදය වෙනුවට  ධනවාදය වහා ජනමිතුරු කල  යුතුය. බලයෙන් මත්වී පිස්සු කෙලින පාලකයින්ටද තුවක්කු අතට ගත් විට චන්ඩි වෙන මැරයින්ටද ඉනි අවන් බලා තම ජීවිතය පසක් කර ගත හැකිය. බලය සහ තුවක්කුවේ හයිය නොමැති විට අත්වන ඉරණම ඉනිඅවන් ඔබට පෙන්වා දෙයි.  අනාගතය අවිනිශ්චිතය, අනාගතය සුභ අනාගතයක් වීම වලක්වා ඇත්තේ භාහිර සතුරෙකු නොව ඔබමය අනාගතය සුභ අනාගතයක් බවට හරවා ගැනීමට හැකියාව ඇත්තේ ඔබටමය. හඳගම ඉනි අවන් ඔහුගේ සිනමා භාවිතය හරහා අපිට අනතුරු හගවයි චිත්‍රපටියේ පසුබිමෙන් ඇසෙන ටික් ටොක් ටික් ටොක් ඔරලෝසු හඬ ඔබට ඇසුනාද? කාලය පියාඹයි අප්‍රමාදව කටයුතු කරන්න හඳගම හුදී ජන අපට  මෙන්ම   රජතුමාටද දෙන පණිවිඩය  මෙයයි .

ඉනි අවන්- හඳගමගේ විශිෂ්ඨ සිනමා කෘතියකි.